កីឡា
អារ៉ាប៊ីសាអ៊ូឌីតជាប្រទេសតែមួយគត់ដេញថ្លៃធ្វើម្ចាស់ផ្ទះWorld Cup ឆ្នាំ២០៣៤
គ្មានគូប្រជែងទេ អារ៉ាប៊ីសាអ៊ូឌីត បានក្លាយជាប្រទេសតែមួយគត់ដែលដេញថ្លៃធ្វើម្ចាស់ផ្ទះរៀបចំការប្រកួតបាល់ទាត់ជើងឯកពិភពលោក ឆ្នាំ២០៣៤ (FIFA World Cup 2034)។
សហព័ន្ធកីឡាបាល់ទាត់ពិភពលោក (FIFA) បានកំណត់ឲ្យប្រទេសនៅទ្វីបអាស៊ី និងអូសេអានីប៉ុណ្ណោះមានសិទ្ធិដេញថ្លៃធ្វើម្ចាស់ផ្ទះដែលកាលបរិច្ឆេទកំណត់ដេញថ្លៃត្រឹមទី៣១ ខែតុលា ឆ្នាំ២០២៣ ហើយមានតែប្រទេសអារ៉ាប៊ីសាអ៊ូឌីត មួយគត់បានប្រកាសដេញថ្លៃ។
ដើមឡើយប្រទេសអូស្ត្រាលីចាប់អារម្មណ៍ដេញថ្លៃធ្វើម្ចាស់ផ្ទះឆ្នាំ២០៣៤ ប៉ុន្តែកាលពីថ្ងៃអង្គារ៍បាននិយាយថា ខ្លួនមិនបង្ហាញការដេញថ្លៃនោះទេ ដោយទុកអារ៉ាប៊ីសាអ៊ូឌីត ជាបេក្ខភាពតែមួយគត់។ ការមិនចូលរួមដេញថ្លៃរបស់អូស្ត្រាលី បន្ទាប់ពីប្រទេសនៅតំបន់អាស៊ានមានឥណ្ឌូណេស៊ីជាដើមក៏បានដកខ្លួន។
ប្រធានសមាគមបាល់ទាត់អារ៉ាប៊ីសាអ៊ូឌីត លោក Yasser Al Misehal បាននិយាយថា សហព័ន្ធបានប្តេជ្ញាចិត្តយ៉ាងពេញលេញក្នុងការបំពេញលក្ខខណ្ឌទាំងអស់របស់ FIFA សម្រាប់សិទ្ធិធ្វើម្ចាស់ផ្ទះការប្រកួតបាល់ទាត់ពិភពលោក។
«សមាជិកទាំងអស់នៃគ្រួសារបាល់ទាត់អារ៉ាប៊ីសាអ៊ូឌីតកំពុងខិតខំប្រឹងប្រែងឱ្យអស់ពីសមត្ថភាពដើម្បីសម្រេចក្តីសុបិនរបស់ប្រជាជនអារ៉ាប៊ីសាអ៊ូឌីតក្នុងការទស្សនាបាល់ទាត់ពិភពលោកក្នុងប្រទេសរបស់ខ្លួនជាលើកដំបូង។ យើងជឿជាក់លើថាមពលដ៏អស្ចារ្យនៃកីឡាបាល់ទាត់ដើម្បីបំផុសគំនិតដល់មនុស្សជំនាន់ក្រោយ។ យើងសង្ឃឹមថា World Cup 2034 រួមចំណែកដល់ការអភិវឌ្ឍបាល់ទាត់ទូទាំងពិភពលោក»។
FIFA បានបញ្ជាក់ផងដែរថា ការបញ្ជាក់តែមួយគត់នៃការចាប់អារម្មណ៍ធ្វើជាម្ចាស់ផ្ទះ World Cup ឆ្នាំ២០៣០ គឺមកពីប្រទេសម៉ារ៉ុក ព័រទុយហ្គាល់ និងអេស្ប៉ាញ ដែលមានអ៊ុយរូហ្គាយ អាហ្សង់ទីន និងប៉ារ៉ាហ្គាយ ធ្វើម្ចាស់ផ្ទះរៀបចំការប្រកួតអបអរសាទរ នៅថ្ងៃបើកឆាក។
កាលពីថ្ងៃទី៤ ខែតុលា FIFA បានប្រកាសពីការដេញថ្លៃរួមគ្នារបស់ប្រទេសម៉ារ៉ុក អេស្ប៉ាញ និងព័រទុយហ្គាល់ ដើម្បីធ្វើម្ចាស់ផ្ទះឆ្នាំ២០៣០៕
ប្រែសម្រួល៖ មន្នីរ័ត្ន
ប្រភព៖ reuters.com
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៣ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន