កីឡា
ប្រធានក្លិបបាល់ទាត់តួកគីត្រូវពិន័យមួយជីវិត បន្ទាប់ពីវាយអាជ្ញាកណ្តាល
សហព័ន្ធកីឡាបាល់ទាត់តួកគី (TFF) បានប្រកាសកាលពីថ្ងៃព្រហស្បតិ៍ពីការដាក់ពិន័យលោក Faruk Koca អតីតប្រធានក្លិបបាល់ទាត់ក្នុងលីគកំពូលតួកគី Ankaragücü ដោយហាមពាក់ព័ន្ធនឹងសកម្មភាពបាល់ទាត់អស់មួយជីវិត បន្ទាប់ពីបានវាយប្រហារអាជ្ញាកណ្តាលនៅលើទីលាន។
បន្ទាប់ពីស្មើ ១-១ រវាង Ankaragücü ទល់នឹងក្លិប Rizespor កាលពីយប់ថ្ងៃចន្ទ សប្តាហ៍មុនដោយលោក Koca បានរត់ចូលទៅលើទីលាន ហើយបានវាយអាជ្ញាកណ្តាល លោក Halil Umut Meler ចំមុខមួយដៃ ដោយសារមិនពេញចិត្តនឹងការកាត់សេចក្ដីធ្វើឱ្យមានគ្រាប់បាល់តាមស្មើចុងម៉ោង។
ក្រុមប្រឹក្សាវិន័យកីឡាបាល់ទាត់អាជីពរបស់ប្រទេសតួកគីបានបញ្ជាឱ្យក្លិប Ankaragücü លេងការក្នុងដីរបស់ខ្លួនចំនួន ៥ប្រកួតដោយមិនមានអ្នកគាំទ្រចូលរួមទស្សនា និងបានឱ្យក្លិបបង់ប្រាក់ពិន័យប្រហែល ៦៩,០០០ដុល្លារអាមេរិក។
អាជ្ញាកណ្ដាល លោក Meler បាននិយាយថា លោក Koca បានវាយលោកចំមុខនៅក្រោមភ្នែកខាងឆ្វេង។ បន្ទាប់មកលោកបានដួលលើដី និងមានមនុស្សពីរនាក់ទៀតបានទាត់លោក។ នេះបើយោងតាមរបាយការណ៍ដែលចេញផ្សាយដោយទីភ្នាក់ងារព័ត៌មានរដ្ឋរបស់ប្រទេសតួកគី Anadolu។
អាជ្ញាកណ្តាលរូបនេះត្រូវបានបញ្ជូនទៅមន្ទីរពេទ្យ បន្ទាប់ពីការវាយប្រហារ ហើយត្រូវបានគេអនុញ្ញាតឱ្យចេញនៅថ្ងៃពុធ។ លោក Koca ត្រូវបានពិន័យមិនឱ្យពាក់ព័ន្ធនឹងបាល់ទាត់រយៈពេល៥ឆ្នាំ ប៉ុន្តែដោយសារការពិន័យលើសពី៣ឆ្នាំវាស្មើនឹងបម្រើដល់ការហាមអស់មួយជីវិត។ លោកក៏បានលាលែងពីតួនាទីជាប្រធានក្លិប Ankaragücü។
លោក Koca ស្ថិតក្នុងចំណោមមនុស្ស ៣នាក់ដែលត្រូវបានចាប់ខ្លួន។ ទោះជាយ៉ាងណា លោក Koca បានបដិសេធនិងបានអះអាងថា លោកគ្រាន់តែ “ទះ” Meler ចំមុខ។
មន្ត្រីរបស់ FIFA លោក Pierluigi Collina បានរម្លឹកឡើងវិញនូវទស្សនៈរបស់ FIFA ថា ការរំលោភបំពានទាំងផ្លូវកាយ និងពាក្យសំដី ប្រឆាំងនឹងអាជ្ញាកណ្តាល គឺជា “ជំងឺមហារីក ដែលអាចបាត់បង់ជីវិតបាល់ទាត់” បន្ទាប់ពីឧបទ្ទវហេតុនេះ។
លោក Mehmet Büyükekşi ប្រធានសហព័ន្ធបាល់ទាត់តួកគីបានប្រកាសនៅក្នុងសន្និសីទសារព័ត៌មានមួយកាលពីថ្ងៃពុធថា បាល់ទាត់នៅក្នុងប្រទេសតួកគីនឹងចាប់ផ្តើមប្រកួតឡើងវិញឆាប់ៗ។ សហព័ន្ធកីឡាបាល់ទាត់តួកគី បានពន្យារពេលការប្រកួតក្នុងលីគទាំងអស់ បន្ទាប់ពីមានការវាយប្រហារលើអាជ្ញាកណ្តាល Halil Umut Meler កាលពីដើមសប្តាហ៍មុន៕
ប្រែសម្រួល៖ មន្នីរ័ត្ន
ប្រភព៖ CNN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង