សូម​មើល​ពី​កាលបរិច្ឆេទ​នៃ​ការប្រកួត​ជើងឯក​ជាតិ​ឆ្នាំ​២០២១​ ដែល​មាន​ចំនួន​៤១​ប្រភេទ​កីឡា
Connect with us
Helistar Cambodia - Helicopter Charter Services

កីឡា

សូម​មើល​ពី​កាលបរិច្ឆេទ​នៃ​ការប្រកួត​ជើងឯក​ជាតិ​ឆ្នាំ​២០២១​ ដែល​មាន​ចំនួន​៤១​ប្រភេទ​កីឡា

បានផុស

នៅ

ក្រសួង​អប់រំ​យុវជន និង កីឡា បាន​ប្រកាស​ពី​កាលបរិច្ឆេទ​នៃ​កម្មវិធី​ការប្រកួត​ជើងឯក​ថ្នាក់ជាតិ​ជា​ផ្លូវការ​ប្រចាំឆ្នាំ​២០២១​នេះ ដែលមាន​ចំនួន​៤១​ប្រភេទ​កីឡា ក្រោម​គម្រោង​គាំទ្រ​ថវិកា​របស់​ក្រសួង។ សម្រាប់​អ្នក​ជាប់​ចំណាត់ថ្នាក់​ក្នុងការ​ប្រកួត​នេះ នឹង​ក្លាយខ្លួនជា​កីឡាករ​កីឡាការិនី​ជម្រើសជាតិ ឬ ក្រុមកីឡា​ជម្រើសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡា​ទាំង​៤១​ប្រភេទ​នោះ រួមមាន​កីឡាវាយកូនគោល ចំបាប់ សូ​ហ្វ​តិ​ន្នី​ស វ៉ូ​វី​ណា​ម ម៉ូតូ​ទឹក ប៊ូល​និង​ប៉េតង់ សូ​រី​ន​ហ្ស៊ិ​កាំ​ប៉ូ កា​រ៉ា​តេ គុន​ដាវ វាយ​កូន​បាល់ សីដក់​និង​ឈិន​ឡូ​ន កាយ សម្ព័ន្ធ គុន​ល្បុក្កតោ ប្រដាល់សកល បាល់ទាត់ វូ​ស៊ូ កីឡា​រាំ អុកចត្រង្គ អត្តពលកម្ម ទោចក្រយាន ប៉ា​រ៉ា​ឡាំ​ពិ​ក ប្រដាល់​គុន​ខ្មែរ តេ​ក្វាន់​ដូ​WT បាល់ទះ ហែល​ទឹក ទាញព្រ័ត្រ ទូក​កា​នូ​និង​រ៉ូ​អ៊ីង វាយ​សី ឡើង​ភ្នំ បាល់បោះ ទ្រី​យ៉ា​ត្លុង បាញ់កាំភ្លើង បាល់​ឪ​ប កីឡា​បង្ហាត់​ជិះសេះ ទូកក្តោង វាយ​កូនឃ្លី​លើ​តុ យូ​ដូ តុង​ហ្គី​ល​ម៉ូ​ដូ តេ​ក្វាន់​ដូ​ITF បេ​ស្ប​ល និង ជឺ​ជិត​ស៊ូ។

សម្រាប់​ខែមករា​ដើមឆ្នាំ​កន្លង​មក​នេះ គឺមាន​១​ប្រភេទ​កីឡា​ប៉ុណ្ណោះ ដែល​ត្រូវ​រៀបចំ​ការប្រកួត​ជើងឯក​ថ្នាក់ជាតិ​ឆ្នាំ​២០២១​នេះ គឺ​កីឡាវាយកូនគោល ។ សម្រាប់​ខែកុម្ភៈ​នេះ មិនមាន​ការប្រកួត​ប្រភេទ​កីឡា​ណាមួយ​ឡើយ តែ​សម្រាប់​ខែមេសា​មាន​ប្រភេទ​កីឡា​២​មុន​ត្រូវធ្វើ​គឺ​កីឡា​ចំបាប់​និង​សូ​ហ្វ​តិ​ន្នី​ស ។​ក្នុង​ចុងខែ​ឧសភា មាន​រៀបចំ​ការប្រកួត​កីឡា​វ៉ូ​វី​ណា​ម ហើយ​ក្នុង​ខែមិថុនា រៀបចំ​កីឡា​ម៉ូតូ​ទឹក និង​កីឡា​ប៉េតង់​និង​ប៊ូល។

សម្រាប់​ខែកក្កដា មាន​៣​ប្រភេទ​កីឡា ដែល​ត្រូវ​រៀបចំ​ប្រកួត​ជើងឯក​គឺ កីឡា​សូ​រី​ន​ហ្ស៊ិ​កាំ​ប៉ូ កា​រ៉ា​តេ និង គុន​ដាវ ។ ក្នុង​ខែសីហា មានការ​ប្រកួត​កីឡា​វាយ​កូន​បាល់ សីដក់​និង​ឈិន​ឡូ​ន កីឡា​កាយសម្ព័ន្ធ ។

សម្រាប់​ខែកញ្ញា​មានការ​ប្រកួត​ច្រើន​ប្រភេទ​កីឡា មាន​កីឡា​គុន​ល្បុក្កតោ ប្រដាល់សកល បាល់ទាត់ វូ​ស៊ូ កីឡា​រាំ អុកចត្រង្គ អត្តពលកម្ម ទោចក្រយាន និង​ប៉ា​រ៉ា​ឡាំ​ពិ​ក។

ក្នុង​ខែតុលា ក៏​មាន​ច្រើន​ប្រភេទ​កីឡា​ដែរ ដូចជា​តេ​ក្វាន់​ដូ​WT ,​បាល់ទះ ,​ហែល​ទឹក ,​ទាញព្រ័ត្រ​, ទូក​កា​នូ​និង​រ៉ូ​អ៊ីង​, វាយ​សី​, ឡើង​ភ្នំ ,​បាល់បោះ​, ទ្រី​យ៉ា​ត្លុង​, បាញ់កាំភ្លើង​, បាល់​ឪ​ប ,​កីឡា​បង្ហាត់​ជិះសេះ​, ទូកក្តោង​, វាយ​កូនឃ្លី​លើ​តុ​, យូ​ដូ និង តុង​ហ្គី​ល​ម៉ូ​ដូ​។ ខែវិច្ឆិកា មានតែ​២​ប្រភេទ​កីឡា គឺ​តេ​ក្វាន់​ដូ​WT និង បេ​ស្ប​ល​។

កីឡា​ទាំង​៤១​ប្រភេទ​នេះ គឺមាន​ទាំង​ប្រភេទ​កីឡា​អូឡាំពិក កីឡា​មិន​អូឡាំពិក និង កីឡា​ជនពិការ​(Paralympic) ផងដែរ ។ កីឡា​ទាំង​៤១​ប្រភេទ​នេះ គឺ​ប្រកួត​ឡើង​ក្នុង​ពេលវេលា​ខុសៗ​គ្នា តែ​ប្រភេទ​កីឡា​ភាគច្រើន​ប្រកួត​នៅ​រាជធានី​ភ្នំពេញ គ្រាន់តែ​ភាគច្រើន​ប្រកួត​នៅ​ពហុ​កីឡដ្ឋាន​ជាតិ​អូឡាំពិក​តែប៉ុណ្ណោះ។

កីឡា​ចំនួន​២​ប្រភេទ ដែល​ប្រកួត​នៅ​ខេត្ត​ព្រះសីហនុ​នោះ​មាន​ប្រភេទ​កីឡា​ម៉ូតូ​ទឹក និង ប្រភេទ​កីឡា​ទូកក្ដោង ។​កីឡា​ប្រណាំង​ទោចក្រយាន​ប្រកួត​នៅ​ខេត្តសៀមរាប​ដដែល ឯ ប្រភេទ​កីឡា​ឡើង​ភ្នំ​ក៏​បន្ត​ប្រកួត​នៅ​ខេត្តសៀមរាប​ដែរ ។ ប្រភេទ​កីឡា​ប្រណាំងទូក​កា​នូ និង រ៉ូ​អ៊ីង​ប្រកួត​នៅតាម​ដង​ទន្លេបាសាក់​នា​ក្រុង​តាខ្មៅ​ខេត្ត​កណ្ដាល។ ប្រភេទ​កីឡា​ជិះសេះ​ធ្វើ​នៅ​ខេត្តកំពង់ស្ពឺ និង​មជ្ឈមណ្ឌល​កីឡា​Cambodia Country Club)​នា​ខណ្ឌ​សែន​សុខ​រាជធានី​ភ្នំពេញ​។​ប្រភេទ​កីឡា​បេស​ស្ប​ល​ប្រកួត​នៅ​រមណីយដ្ឋាន​បឹង​សំរឹទ្ធ​នា​ខេត្ត​យ​កំពង់ធំ​ដដែល ៕

ដោយ ៖ វិ​សិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៣ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៤ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services