កីឡា
ឯកឧត្តម ឌី វិជ្ជា សុំការគាំទ្រ បើបង្កើតពាន«ស្វាយរៀងស៊ុបភើខាប់»
ឯកឧត្តមឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្ដាលសន្តិសុខបានទម្លាយឲ្យដឹងពីបំណងចង់បង្កើតពានរង្វាន់«ស្វាយរៀងស៊ុបភើខាប់ (Svay Rieng Super Cup)»ដើម្បីផ្តល់ឲ្យយុវជននៅខេត្តស្វាយរៀងទទួលបានឱកាសប្រកួតបាល់ទាត់កាន់តែច្រើន។
នៅព្រឹកថ្ងៃទី១១ ខែមករា ឆ្នាំ២០២៤ ឯកឧត្តមឧត្តមសេនីយ៍ឯក ឌី វិជ្ជា បានលើកជាសំណួរដល់បងប្អូនដែលស្រឡាញ់កីឡាបាល់ទាត់នៅខេត្តស្វាយរៀងថា «ជូនដល់បងប្អូនវិស័យបាល់ទាត់ខេត្តស្វាយរៀង ខ្ញុំចង់បង្កើត ស្វាយរៀងស៊ុបភើខាប់ (Svay Rieng Super Cup)។ តើបងប្អូនយល់យ៉ាងណាដែរ?
ខេត្តស្វាយរៀងអាចត្រូវបានចាត់ទុកជាទីកន្លែងដែលឈានមុខគេមុខសម្រាប់សកម្មភាពបាល់ទាត់ បន្ទាប់ពីថ្នាក់ដឹកនាំនៅខេត្តមួយនេះបានបង្កើតពានរង្វាន់ជាបន្តបន្ទាប់ក្នុងរយៈពេលប៉ុន្មានឆ្នាំចុងក្រោយសម្រាប់ប្អូនៗដែលស្រឡាញ់ចូលចិត្តលេងបាល់ទាត់។ ជាពិសេសពានរង្វាន់ស្វាយរៀងខាប់ត្រូវបានបង្កើតឈានដល់រដូវកាលទី៧ ស្វាយរៀងខាប់អាយុក្រោម១៨ឆ្នាំ និងស្វាយរៀងខាប់អាយុក្រោម១៥ឆ្នាំជាដើម។
ជាទូទៅពានរង្វាន់ Super Cup ជាការប្រកួតរវាងក្រុមជើងឯកជាមួយនឹងក្រុមជើងឯកដើម្បីដណ្តើមពានរង្វាន់មួយ។ ជាក់ស្តែង សហព័ន្ធកីឡាបាល់ទាត់កម្ពុជាបានបង្កើតពានរង្វាន់ Cambodian League Super Cup ដែលក្រុមជើងឯកលីគកំពូលកម្ពុជាប្រកួតជាមួយក្រុមជើងឯកពានសម្តេចតេជោហ៊ុនសែននៅបើករដូវកាល។ នៅប្រទេសអង់គ្លេស និងសហព័ន្ធកីឡាបាល់ទាត់ពិភពលោកក៏មានពានរង្វាន់លក្ខណៈបែបនេះដែរ។
និយាយដោយឡែក ពានរង្វាន់ Svay Rieng Super Cup អាចជាការប្រកួតរវាងក្រុមជើងឯកស្វាយរៀងខាប់ និងស្វាយរៀងខាប់អាយុក្រោម១៨ឆ្នាំដែលទើបតែបញ្ចប់ទៅកាលពីចុងឆ្នាំ២០២៤៕
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ