កីឡា

Enzo បដិសេដព័ត៌មានថាខ្លួនចង់ចាកចេញពី Chelsea

បានផុស

៧ ខែ មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

កាលពីពេលថ្មីៗនេះមានព័ត៌មានលេចឮជុំវិញខ្សែបម្រើ Enzo Fernandez ចង់ចាកចេញពីក្លិបតោខៀវ Chelsea ដោយសារស្ថានភាពបច្ចុប្បន្នរបស់ក្លិបហាក់មិនល្អប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានសារព័ត៌មានជាច្រើនចុះផ្សាយថា រូបគេចង់ចាកចេញ និងអាចទៅចូលរួមជាមួយក្រុមអេស្ប៉ាញ Barcelona សាមីខ្លួនបានបដិសេធចំពោះការចុះផ្សាយទាំងនោះជាព័ត៌មានមិនពិត។ រូបគេកំពុងរីករាយក្នុងការបង្ហាញខ្លួនជាមួយក្រុមក្នុងទីក្រុងឡុងដ៍។

កីឡាករ Enzo បាននិយាយថា៖«ខ្ញុំសប្បាយចិត្តនៅទីនេះជាមួយ Chelsea។ ខ្ញុំនឹងស្នាក់នៅទីនេះបន្តទៀត។ ពួកយើងចង់លេងពាន Champions League ឆ្នាំក្រោយ ហើយពួកយើងនឹងតស៊ូដើម្បីវា។ ខ្ញុំមិនដឹងថា ពាក្យចចាមអារ៉ាមលេចចេញពីណាទេ។ មែនទែនទៅ នេះគ្រាន់ជាពាក្យសម្ដីរបស់នរណាម្នាក់បាននិយាយលើបណ្តាញសង្គមប៉ុណ្ណោះ។ ខ្ញុំសូមបដិសេធទាំងស្រុង»។

ក្លិបតោខៀវ Chelsea បានទិញខ្សែបម្រើ Enzo Fernandez ក្នុងតម្លៃ ១០៦.៨ លានផោនកាលពីថ្ងៃទី៣១ ខែមករា ឆ្នាំ២០២៣ ក្នុងកិច្ចសន្យា៨ឆ្នាំកន្លះដែលមានសុពលភាពរហូតដល់ឆ្នាំ២០៣១។ ខ្សែបម្រើសញ្ជាតិអាហ្សង់ទីនវ័យ២៣ឆ្នាំរូបនេះបានបង្ហាញឲ្យ Chelsea បាន៣៩លើក ស៊ុតបញ្ចូលទី៣គ្រាប់ និងជាកម្លាំងដ៏សំខាន់មួយក្នុងក្រុម៕

ប្រែសម្រួល៖ ផា រតនា
ប្រភព៖ Fabrizio Romano