កីឡា
កម្ពុជានឹងធ្វើពិធីដង្ហែ«ភ្លើងគប់អូឡាំពិក២០២៤»ថ្ងៃទី១៦ខែកុម្ភៈ
ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាសហការជាមួយស្ថានទូតបារាំងប្រចាំនៅប្រទេសកម្ពុជានឹងរៀបចំពិធីដង្ហែភ្លើបគប់«កីឡាអូឡាំពិក និងប៉ារ៉ាឡាំពិកឆ្នាំ២០២៤»នាព្រឹកថ្ងៃទី១៦ ខែកុម្ភៈ នៅពហុកីឡដ្ឋានជាតិអូឡាំពិក។
ការរៀបចំពិធីដង្ហែភ្លើបគប់អូឡាំពិកនេះគឺដើម្បីអបអរសាទរ និងជាសញ្ជាដែលព្រឹត្តិការណ៍កីឡាអូឡាំពិក និងប៉ារ៉ាឡាំពិករដូវក្តៅ ទីក្រុងបារីស ឆ្នាំ២០២៤ នៅប្រទេសបារាំងខិតជិតចូលមកដល់។ ការដង្ហែភ្លើងគប់នេះប្រារព្ធឡើងនៅទ្វីបទាំង៥ដែលត្រូវធ្វើតាមទីក្រុងប្រមាណ៧០០ទូទាំងពិភពលោក។
ដោយឡែកទីក្រុងភ្នំពេញនឹងប្រារព្ធនៅថ្ងៃទី១៦ ខែកុម្ភៈ ឆ្នាំ២០២៤ នៅពហុកីឡដ្ឋានជាតិអូឡាំពិកចាប់ពីម៉ោង៨:១៥នាទីព្រឹកដោយមានអ្នកចូលរួមប្រមាណ២០០នាក់។ តាមការឲ្យដឹងពីស្ថានទូតបារាំងថា ពិធីដង្ហែភ្លើបគប់អូឡាំពិកនេះចូលរួមជាគណៈអធិបតីដោយលោកឧបនាយករដ្ឋមន្ត្រី ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោក Jacques Pellet ឯកអគ្គរដ្ឋទូតបារាំងប្រចាំព្រះរាជាណាចក្រកម្ពុជា។
អ្នកចូលរួមមានកីឡាករ ឈុន ប៊ុនថន ម្ចាស់មេដាយមាសកីឡាស៊ីហ្គេមផ្នែករត់ប្រណាំងចម្ងាយ៨០០ម៉ែត្រ ព្រមទាំងមកពីអង្គភាព អង្គការ និងស្ថាប័នផ្សេងៗជាច្រើនដែលមានប្រមាណ២០០នាក់។
អ្វីដែលគួរឲ្យកត់សំគាល់នោះ អ្នកស្ម័គ្រចិត្តកម្ពុជាចំនួន៧នាក់នឹងត្រូវបានជ្រើសរើសឲ្យចូលរួមក្នុងកម្មវិធីស្ម័គ្រចិត្តបារីស២០២៤ (Paris 2024 Volunteers) ដែលពួកគាត់នឹងធ្វើដំណើរទៅប្រទេសបារាំងដើម្បីចូលរួមធ្វើកិច្ចការសម្រាប់ព្រឹត្តិការណ៍កីឡាអូឡាំពិក និងប៉ារ៉ាឡាំពិក ឆ្នាំ២០២៤។
សូមបញ្ជាក់ថា កីឡាអូឡាំពិកបារីស២០២៤ នឹងចាប់ផ្តើមបើកជាផ្លូវការនៅថ្ងៃទី២៦ ខែកក្កដា និងបិទបញ្ចប់នៅថ្ងៃទី១១ ខែសីហា ដែលមានអត្តពលិកប្រមាណ១០៥០០នាក់មកពីទូទាំងពិភពលោកចូលរួមប្រកួតលើ៣២ប្រភេទកីឡាស្មើនឹង៣២៩វិញ្ញាសា (៣២៩មេដាយមាស)។
ចំពោះកីឡាប៉ារ៉ាឡាំពិកបារីស២០២៤ ដែលជាព្រឹត្តិការណ៍សម្រាប់អត្តពលិកមានពិការភាពនឹងចាប់ផ្តើមបើកជាផ្លូវការនៅថ្ងៃទី២៨ ខែសីហា និងបិទបញ្ចប់នៅថ្ងៃទី៨ ខែកញ្ញា៕
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៥ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន