Connect with us

កីឡា

Pacquiao មិនអាចចូលរួមប្រកួតកីឡាអូឡាំពិក២០២៤បានទេ

បានផុស

នៅ

គណៈកម្មាធិការអូឡាំពិកអន្តរជាតិ (IOC) មិនអនុញ្ញាតឱ្យកីឡាករប្រដាល់ដ៏ឆ្នើមរបស់ហ្វីលីពីន Manny Pacquiao ចូលរួមប្រកួតអូឡាំពិក ឆ្នាំ២០២៤ នៅទីក្រុងប៉ារីស ប្រទេសបារាំងឡើយដោយសារ​អាយុ​លើស​អាយុ​កំណត់៥ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pacquiao ដែលបានចូលនិវត្តន៍​កាល​ពី​ឆ្នាំ២០២១ ចង់បន្តការប្រដាល់នៅអាយុ៤៥ឆ្នាំក្នុងការប្រកួតកីឡាអូឡាំពិកនៅទីក្រុងប៉ារីស ជាកន្លែងដែលការប្រកួតដណ្តើមមេដាយនឹងធ្វើឡើងនៅក្នុងកីឡដ្ឋាន Roland Garros។

IOC បាននិយាយកាលពីថ្ងៃអាទិត្យថា ខ្លួនបានសរសេរទៅកាន់មន្ត្រីអូឡាំពិក​ហ្វីលីពីន ដោយពន្យល់ពីការកំណត់អាយុសម្រាប់អ្នកប្រដាល់ដែលមានអាយុ ៤០ឆ្នាំ នឹងត្រូវតម្កល់ទុក។ ពេលនេះ IOC គ្រប់គ្រងកីឡាប្រដាល់អូឡាំពិក បន្ទាប់ពីបដិសេធទទួលស្គាល់ស្ថាប័ន​គ្រប់គ្រង​​​សមាគមប្រដាល់អន្តរជាតិ (IBA)។

ការកំណត់អាយុសម្រាប់ការប្រដាល់អូឡាំពិកត្រូវបានដំឡើងដល់ ៤០ ខណៈពីដំបូងឡើយកំណត់ត្រឹម៣៤ឆ្នាំ ក្នុងឆ្នាំ២០១៣ ដែលជាការផ្លាស់ប្តូរមួយនឹងអនុញ្ញាតឱ្យ Pacquiao ព្យាយាមប្រកួតនៅកីឡាអូឡាំពិក Rio de Janeiro ឆ្នាំ២០១៦។ យ៉ាងណាមិញលោកបានជ្រើសរើសមិនចូលរួមប្រកួត នៅពេល​លោកបានជាប់ឆ្នោតជាសមាជិកព្រឹទ្ធសភា។

វាមិនច្បាស់ទេថាតើ Pacquiao នឹងព្យាយាមរកកៅអីនៅអូឡាំពិកប៉ារីស ក្នុងការប្រកួតជម្រុះមួយក្នុងចំណោមការប្រកួតជម្រុះ២ ដែលបើកនៅចុងខែនេះក្នុងប្រទេសអ៊ីតាលី និងក្នុងខែឧសភាក្នុងប្រទេសថៃ។

ស្ថាប័នអូឡាំពិកហ្វីលីពីនបាននិយាយអំពីការព្យាយាមយករូបមន្ត ដែលគេឱ្យឈ្មោះថា ‘universality’ ដើម្បីចូលទៅក្នុងការប្រកួតកីឡាប៉ារីស គឺជាការទទួលបានសិទ្ធិប្រកួតដោយការអនុគ្រោះយ៉ាងមានប្រសិទ្ធភាពចំពោះព្រឹត្តិការណ៍ដែលផ្តល់ទៅឱ្យប្រទេសដែលមានអត្តពលិកតិចតួចនៅកីឡាអូឡាំពិក។

ទោះជាយ៉ាងណាក៏ដោយ IOC បានពន្យល់កាលពីថ្ងៃអាទិត្យថា ហ្វីលីពីន បានទទួលជោគជ័យខ្លាំងពេកទៅហើយក្នុងការទទួលបានអត្ថប្រយោជន៍ពីគម្រោងនេះ។

IOC បាននិយាយថា ៖«universality មិនត្រូវបានបែងចែកទៅឱ្យ [ក្រុម] ដែលមានអត្តពលិកច្រើនជាង ៨នាក់នៅក្នុងកីឡា/វិញ្ញាសា នៅឯការប្រកួតកីឡាអូឡាំពិក ២លើកចុងក្រោយនេះទេ។ នេះជាករណីរបស់គណៈកម្មាធិការអូឡាំពិកហ្វីលីពីន»។

Pacquiao បានបញ្ចប់អាជីពក្នុងខែកញ្ញា ឆ្នាំ២០២១ ក្នុងវ័យ ៤២ឆ្នាំ បន្ទាប់ពីប្រកួតចំនួន ៧២ដង ដោយឈ្នះពានពិភពលោក ចំនួន១២ ក្នុងកម្រិតទម្ងន់ខុសគ្នាចំនួន៨៕

ប្រែសម្រួល៖ មន្នីរ័ត្ន
ប្រភព៖ espn

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ២ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៤ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៥ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៦ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ១០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៤ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម