Connect with us

កីឡា

ខ្សែក្រវាត់ពិភពលោក៣គ្រឿង Davis កំពុងកាន់កំណត់ត្រាមិនចាញ់១១ឆ្នាំ

បានផុស

នៅ

Gervonta Davis ជាកីឡាករប្រដាល់សកលឆ្នើមបំផុតរបស់ពិភពលោកនាពេលបច្ចុប្បន្ននេះ គិតចាប់តាំងពីឆ្នាំ២០១៣ ដល់ឆ្នាំ២០២៤ មិនទាន់មានកីឡាកររូបណាអាចយកឈ្នះរូបគេបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Gervonta Davis កើតថ្ងៃទី៧ ខែវិច្ឆិកា ឆ្នាំ១៩៩៤ ឈ្មោះហៅក្រៅរបស់រូបគេគឺ “Tank” ជាអ្នកប្រដាល់សកលអាជីពជនជាតិអាមេរិក ទទួលបានការគាំទ្រយ៉ាងខ្លាំងពីអ្នកគាំទ្រជុំវិញពិភពលោក។ រូប​គេ​ត្រូវបានធំធាត់នៅក្នុងសហគមន៍ Sandtown-Winchester នៅ West Baltimore ជាតំបន់មួយក្នុងចំណោមតំបន់ដែលមានបញ្ហា​ច្រើន។ រូបគេបានចូលរៀននៅវិទ្យាល័យ Digital Harbor ជាសាលាមេដែកក្នុងស្រុក ប៉ុន្តែបានបោះបង់ការសិក្សាដើម្បីផ្តោតលើអាជីព​ប្រដាល់។

អាជីព​ប្រដាល់​ស្ម័គ្រ​ចិត្ត​

Davis បានហ្វឹកហាត់នៅមជ្ឈមណ្ឌលប្រដាល់ Upton តាំងពីអាយុ៥ឆ្នាំ។ រូបគេត្រូវបានបណ្តុះបណ្តាលដោយលោក Calvin Ford ជាការបំផុសគំនិតសម្រាប់តួអង្គ Dennis Wise ​ក្នុង​រឿង​ភាគ​ដ៏ល្បី The Wire របស់​ទូរទស្សន៍ HBO។ កីឡាករ Davis ​ទទួល​បាន​ជោគជ័យយ៉ាងខ្លាំងក្នុងអាជីពជាអ្នកប្រដាល់​ស្ម័គ្រ​ចិត្ត​ ដោយ​បាន​ឈ្នះ​ជើង​ឯកថ្នាក់​ជាតិ​ជា​ច្រើន។
-ឈ្នះ​ពាន​រង្វាន់​ស្រោមដៃមាសថ្នាក់ជាតិឆ្នាំ២០១២
-ជើងឯកស្រោមដៃប្រាក់​ថ្នាក់​ជាតិចំនួន៣លើក​គឺ​ឆ្នាំ២០០៦ ២០០៧ និង២០០៨
-​ឈ្នះមេដាយមាសកីឡាយុវជន​អូឡាំពិក​​ថ្នាក់​ជាតិ​២លើក
-ឈ្នះជើងឯកអត្តពលិកប៉ូលិសជាតិ២លើក
-ជើងឯក Ringside World Championships ចំនួន២លើក

រូប​គេ​បាន​បញ្ចប់​អាជីពជាអ្នកប្រដាល់​ស្ម័គ្រចិត្ត​​ជាមួយកំណត់ត្រា​ដ៏​អស្ចារ្យ​​គឺ​ឈ្នះ​២២១​ដង និង​ចាញ់​៥​ដង មុន​ពេល​ចាប់​ផ្តើម​ប្រដាល់​សកល​អាជីព។

ប្រដាល់សកល​អាជីព

Davis បានបង្ហាញខ្លួនក្នុងការប្រកួតអាជីពលើកដំបូងនៅថ្ងៃទី២២ ខែកុម្ភៈ ឆ្នាំ២០១៣ ក្នុង​វ័យត្រឹមតែ១៨ឆ្នាំជា​មួយកីឡាករ Desi Williams។ គិតត្រឹមឆ្នាំ២០២៤ អស់រយៈ១១ឆ្នាំ​មក​ហើយ រូប​គេ​មិនទាន់ស្គាល់បរាជ័យ​ម្តង​ណា​ឡើយ។ ការប្រកួតចុងក្រោយរបស់គេកាលពីថ្ងៃទី២២ ខែមេសា ឆ្នាំ២០២៣ បានយកឈ្នះកីឡាករ Ryan Garcia ជាអ្នកប្រដាល់ជើងខ្លាំងរបស់សហរដ្ឋអាមេរិក​ដែរ។

រឿងមួយដែលធ្វើឲ្យអ្នកគាំទ្រកោតសរសើរចំពោះសមត្ថភាពរបស់កីឡាករ Davis គឺកំណត់ត្រាការប្រកួតកម្រិតអាជីពចាប់តាំងពីឆ្នាំ២០១៣ មកដល់ឆ្នាំ២០២៤ រូបគេប្រកូតបានចំនួន២៩លើក ឈ្នះទាំង២៩ ក្នុង​នោះ​ផ្ដួល​ដៃគូ​ឲ្យ​បោះបង់ការប្រកួតចំនួន២៧ ដែលជាស្ថិតិមួយមិនងាយមានកីឡាករប្រដាល់រូបណាអាចធ្វើបានទេ។

បច្ចុប្បន្ន Davis ជាម្ចាស់ខ្សែក្រវាត់​ប្រដាល់​សកល​ពិភព​លោក៣​ប្រភេទ​ទម្ងន់​ផ្សេង​គ្នា​គឺ
-ខ្សែក្រវាត់ពិភព​លោក IBF Super Featherweight កាលពី​ឆ្នាំ​២០១៧
-ខ្សែក្រវាត់ពិភព​លោក WBA Super Featherweight កាល​ពី​ឆ្នាំ​២០១៨
-ខ្សែក្រវាត់ពិភព​លោក WBA Regular Lightweight កាលពី​ឆ្នាំ​២០២១

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម