កីឡា

លោក Amorim ថា Man Utd និង Arsenal លេងបានល្អដូចគ្នាយប់មិញ

បានផុស

២ years មុន

នៅ

ថ្ងៃព្រហស្បតិ៍ ៥ ធ្នូ ២០២៤

ដោយ

ទោះបី Manchester United បានបរាជ័យក្រោមថ្វីជើងក្រុម Arsenal ២-០ ក៏លោក Ruben Amorim បានឃើញទម្រង់លេងរបស់ក្រុមទាំងពីរល្អដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បាល់ទាំង២គ្រាប់បានកើតមានឡើងវគ្គទី២របស់ Arsenal តាមរយៈការទាត់បាល់រៀបចំទុក ចេញពីជ្រុងទាំង២គ្រាប់ ដោយកីឡាករ Jurrien Timber និង William Saliba។ រដូវកាលនេះ Arsenal អាចចាត់ទុកជាក្រុមមួយដែលបង្កគ្រោះថ្នាក់ដល់គូប្រកួត ដោយសារពួកគេតែងតែរកគ្រាប់បាល់ពីការទាត់បាល់រៀបចំ។

លោក Ruben Amorim បាននិយាយថា ៖«ក្រុម Arsenal ល្អណាស់ ព្រោះពួកគេមានពេលច្រើនក្នុងការលេងបាល់រៀបទុក។ ជាពិសេស ពួកគេមានកីឡាករឆ្នើមៗសម្រាប់លេងរបៀបលេងបែបនេះ ដូច្នេះវាគឺជាយុទ្ធសាស្ត្ររបស់ពួកគេ ហើយយើងមានពេល២សប្តាហ៍ដើម្បីហ្វឹកហាត់។ វាជារឿងអាម៉ាស់មួយ ព្រោះយើងលេងមិនបានល្អ ប៉ុន្តែ Arsenal ក៏លេងមិនបានល្អដែរ»។

ចំពោះក្រុម Arsenal បានរៀបចំផ្ដោតលើកការលេងបាល់រៀបចំ យូរណាស់មកហើយ។ ឥឡូវនេះ ពួកគេទទួលបានលទ្ធផលល្អតាមផែនការ។ លោក Ruben Amorim មើលឃើញថា មិនមានអ្វីប្លែកទេពីទម្រង់លេងរបស់ក្រុម Arsenal។

លោក Ruben Amorim បានបន្ថែមថា ៖«យើងត្រូវយល់ថា ពួកគេមានពេលច្រើនឆ្នាំ ក្នុងការលេងបាល់រៀបចំទុក (set-pieces) ។ ទោះបីជាអ្នកនៅទីនេះយូរក៏ដោយ អ្នកអាចមើលឃើញពីការលេងបាល់ទាត់រៀបចំទុករបស់គេបានផ្លាស់ប្តូរគ្រប់យ៉ាង»៕