កីឡា

ក្លឹបប្រដាល់ព្រឹទ្ធាចារ្យ អ៊ុំ រី ទទួលបានថវិកា ២ម៉ឺនដុល្លារបន្តអភិវឌ្ឍន៍ផ្សព្វផ្សាយនៅសហរដ្ឋអាមេរិក

បានផុស

៣ ម៉ោង មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

ក្លឹបប្រដាល់ដ៏ចំណាស់ Long Beach Khmer Boxing នៅសហរដ្ឋអាមេរិក ក្នុងទីក្រុងឡងប៊ិច ដែលបង្កើតឡើងដោយព្រឹទ្ធាចារ្យ អ៊ុំ រី ទទួលបានថវិកាសរុប ២ម៉ឺនដុល្លារពីសហព័ន្ធប្រដាល់គុនខ្មែរ និងក្រុមហ៊ុនឧបត្ថម្ភគ្រុឌនាពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកលោក ខូវ ឆាយ

នេះបើតាមការលើកឡើងរបស់លោក ខូវ ឆាយ ប្រធានសហព័ន្ធប្រដាល់គុនខ្មែរថា ជាការរួមចំណែកលើកស្ទួយអភិវឌ្ឍន៍វិស័យប្រដាល់គុនខ្មែរឲ្យកាន់តែរីកចម្រើនជាងនេះទៅទៀតនៅសហរដ្ឋអាមេរិក។ សហព័ន្ធបានឧបត្ថម្ភថវិកាចំនួន ១ម៉ឺនដុល្លារ និងក្រុមហ៊ុនគ្រុឌក៏បានរួមចំណែកជំរុញអភិវឌ្ឍដូចគ្នាដោយឧបត្ថម្ភជាថវិកា ១ម៉ឺនដុល្លារដូចគ្នា។

រូបភាពហ្វេសបុកលោក ខូវ ឆាយ

ជម្រាបដែរថា លោក អ៊ុំ រី ជាព្រឹទ្ធាចារ្យប្រដាល់ល្បីឈ្មោះមួយរូបអំឡុងឆ្នាំ១៩៦០ នៅកម្ពុជា។ បច្ចុប្បន្នលោកជាម្ចាស់ក្លឹបប្រដាល់ Long Beach Khmer Boxing ដែលមានទីតាំងនៅទីក្រុងឡងប៊ិច រដ្ឋកាលីហ្វ័រញ៉ា សហរដ្ឋអាមេរិក។ ពិធីប្រគល់ថវិកាឧបត្ថម្ភរបស់សហព័ន្ធប្រដាល់គុនខ្មែរនេះធ្វើឡើងអំឡុងការប្រកួតរបស់កីឡាករគុនខ្មែរ៤រូបប្រកួតកាលពីថ្ងៃទី១៣ ខែមេសា ឆ្នាំ២០២៥ នៅសហរដ្ឋអាមេរិក៕