ផ្លូវការ! រកឃើញក្រុមខ្លាំងឡើងវគ្គ ១៦ ក្រុមពាន Club World Cup ខណៈក្រុមអាស៊ីមាន១គត់

ទីបំផុតការប្រកួតប្រជែងក្នុងពានរង្វាន់ FIFA Club World Cup បានរកឃើញក្រុមខ្លាំងឡើងទៅកាន់វគ្គ ១៦ ក្រុមចុងក្រោយហើយ បន្ទាប់ពីបញ្ចប់ការប្រកួតក្នុងពូលជាស្ថាពរត្រឹមព្រឹកថ្ងៃ សុក្រ ទី ២៧ ខែ មិថុនា ឆ្នាំ ២០២៥ ។

ក្រុមទាំង ១៦ ដែលបានឡើងទៅកាន់វគ្គបន្ត ក្នុងនោះពូល A មាន Palmeiras និង Inter Miami។ ពូល B មាន Paris Saint-Germain និង Botafogo។ ពូល C មាន Benfica និង Bayern Munich។ ពូល D មាន Flamengo និង Chelsea។ ពូល E មាន Inter Milan និង Monterrey។ ពូល F មាន Borussia Dortmund និង Fluminense។ ពូល G មាន Manchester City និង Juventus។ ចុងក្រោយពូល H មាន Real Madrid និង Al-Hilal។

យ៉ាងណា គូប្រកួតនីមួយៗ ដែលត្រូវជួបគ្នានៅវគ្គ ១៦ ក្រុមក៏បានរកឃើញហើយដែរ ដោយក្រុម Palmeiras ត្រូវជួបជាមួយ Botafogo។ Benfica ត្រូវជួបជាមួយក្រុម Chelsea។ PSG ត្រូវជួបជាមួយក្រុម Inter Miami។ Flamengo ត្រូវជួបជាមួយ Bayern Munich។ Inter Milan ត្រូវជួបជាមួយ Fluminense។ Man City ត្រូវជួបជាមួយក្រុម Al-Hilal។ Real Madrid ត្រូវជួបជាមួយ Juventus និងចុងក្រោយ Dortmund ត្រូវជួបជាមួយក្រុម Monterrey។

គួរបញ្ជាក់ថា ការប្រកួតវគ្គ ១៦ ក្រុម នឹងធ្វើឡើងចាប់ពីថ្ងៃ សៅរិ៍ ទី ២៨ ខែ មិថុនា ស្អែកនេះ ដល់ថ្ងៃទី ២ ខែ កក្កដា ឆ្នាំ ២០២៥។

អត្ថបទ៖ សេម កុសល