កីឡា

មឿន ម៉េងឡាយ ចាប់ដៃគូជាមួយ ធី ម៉េងហួង ប្រកួតវិញ្ញាសាបាល់ទះឆ្នេរខ្សាច់ World Police នៅអាមេរិក

បានផុស

១ year មុន

នៅ

ថ្ងៃសុក្រ ២៧ មិថុនា ២០២៥

ដោយ

កីឡាករបាល់ទះឆ្នើមរបស់កម្ពុជា មឿន ម៉េងឡាយ នឹងចាប់ដៃគូជាមួយ ធី ម៉េងហួង ប្រកួតប្រជែងមេដាយជូនកម្ពុជា ក្នុងព្រឹត្តិការណ៍ប្រកួតកីឡានគរបាល និងកងពន្លត់អគ្គិភ័យពិភពលោក លើកទី២១ (the 21st World Police and Fire Games) នៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉េងហួង និង ម៉េងឡាយ

ថ្លែងក្នុងកិច្ចសម្ភាសមួយ មឿន ម៉េងឡាយ នៅពេលនេះរួមគេ និងដៃគូបានចុះឈ្មោះសម្រាប់ចូលរួមប្រកួតលើវិញ្ញាសាបាល់ទះឆ្នេរខ្សាច់រួចរាល់ហើយដែរបន្ទាប់ពីធ្វើដំណើរទៅដល់សហរដ្ឋអាមេរិកភ្លាមៗ។ ទិដ្ឋភាពនៅទីនោះប្លែកភ្នែកពីកម្ពុជា និងមានចិត្តសប្បាយរីករាយដែលបានទៅចូលរួមការប្រកួតកីឡា World Police នៅសហរដ្ឋអាមេរិកនេះ។

ម៉េងហួង និង ម៉េងឡាយ

ស្មាត់លេចធ្លោរបស់ក្រសួងមហាផ្ទៃរូបនេះ និងដៃគូ បានប្ដេជ្ញាចិត្តនឹងខំប្រឹងប្រែងប្រកួតឲ្យអស់ពីសមត្ថភាពដើម្បីប្រជែងមេដាយជូនប្រទេសកម្ពុជា និងអ្នកគាំទ្រដែលតែងតែស្រឡាញ់ចូលចិត្តទស្សនាពួកគេទាំងពីរនាពេលកន្លងទៅ។

ទិដ្ឋភាពពេលចេញទៅ

បញ្ជាក់ដែរថា ព្រឹត្តិការណ៍ប្រកួតកីឡានគរបាល និងកងពន្លត់អគ្គិភ័យពិភពលោក លើកទី២១ (the 21st World Police and Fire Games) នៅសហរដ្ឋអាមេរិក ចាប់ពីថ្ងៃទី២៧ ខែមិថុនា ដល់ ៦ ខែកក្កដា ឆ្នាំ២០២៥។ ដោយឡែកវិញ្ញាសាបាល់ទះឆ្នេរខ្សាច់របស់ ម៉េងឡាយ និង ម៉េងហួង នឹងប្រកួតចាប់ពីថ្ងៃទី២៨ ដល់ ៣០ ខែមិថុនា ២០២៥។ ក្រុមកីឡាក្រសួងមហាផ្ទៃ បានបញ្ជូន ៩ប្រភេទកីឡាចេញទៅរួមមានកីឡាវាយសី ចំបាប់ ជឺជីតស៊ូ យូដូ ហែលទឹក វាយកូនឃ្លីលើតុ ការ៉ាតេ តេក្វាន់ដូ និងកីឡាបាល់ទះ៕

អត្ថបទដោយ៖ នួន ស៊ីណា