កីឡា
ស្ថិតិថ្មី! កម្ពុជា ធ្វើម្ចាស់ផ្ទះវគ្គក្នុងពូល ពានអាស៊ី ២ ផ្សេងគ្នាក្នុងឆ្នាំ ២០២៥
ក្លិបបាល់ទាត់ ព្រះខ័នរាជស្វាយរៀង និងក្លិបបាល់ទាត់នារី ភ្នំពេញក្រោន បានទទួលសិទ្ធិធ្វើម្ចាស់ផ្ទះរៀបចំការប្រកួតវគ្គសន្សំពិន្ទុក្នុងពានរង្វាន់កម្រិតអាស៊ី ដែលបានក្លាយជាប្រវត្តិសាស្ត្រថ្មីដំបូងនៅរដូវកាលថ្មី។
- ក្រុមនារី ភ្នំពេញក្រោន ធ្វើម្ចាស់ផ្ទះពាន AFC Women’s Champions League
ក្រុមនារី ភ្នំពេញក្រោន ស្ថិតនៅពូល E ដែលមានក្រុមនារីជើងឯកលីគឥណ្ឌា East Bengal និងក្រុមជើងឯកលីគនារីហុងកុង Kitchee សម្រាប់ការប្រកួតជម្រុះក្នុងពូលពានរង្វាន់ក្លិបនារីអាស៊ី AFC Women’s Champions League ចាប់ពីថ្ងៃទី២៥ ដល់ ទី៣១ ខែសីហា ឆ្នាំ ២០២៥ នៅពហុកីឡដ្ឋានជាតិអូឡាំពិក។
ក្រុមនារីភ្នំពេញក្រោន បានក្លាយជាក្រុមនារីរបស់កម្ពុជាដំបូងគេបង្អស់ដែលបានលេងពានរង្វាន់នារីអាស៊ីកម្រិតទី១ ហើយបានទទួលធ្វើជាម្ចាស់ផ្ទះថែមទៀត។ ការប្រកួតទី១ ក្រុមនារី ភ្នំពេញក្រោន ប៉ះ ក្រុមនារីឥណ្ឌា East Bengal នៅថ្ងៃទី២៥ ខែសីហា និងចុងក្រោយប៉ះក្រុមនារីហុងកុង Kitchee នៅថ្ងៃទី ២៨ ខែសីហា។ ក្រុមចំណាត់ថ្នាក់លេខ ១ ក្នុងត្រូវឡើងទៅជុំចុងក្រោយ។
- ព្រះខ័នរាជស្វាយរៀង ធ្វើម្ចាស់ផ្ទះ AFC Challenge League
ក្លិបបាល់ទាត់ ព្រះខ័នរាជស្វាយរៀង ទទួលបានសិទ្ធិធ្វើម្ចាស់ផ្ទះរៀបចំការប្រកួតសន្សំពិន្ទុក្នុងពូល ពានរង្វាន់ AFC Challenge League រដូវកាល ២០២៥-២៦ នៅពហុកីឡដ្ឋានជាតិមរតកតេជោ។ ព្រះខ័នរាជស្វាយរៀង ជាក្រុមកម្ពុជាទី៣ ដែលបានធ្វើម្ចាស់ផ្ទះវគ្គជម្រុះក្នុងពូល បន្ទាប់ពីភ្នំពេញក្រោន ធ្លាប់ធ្វើ ២ ដងគឺឆ្នាំ ២០១១ និង ២០១២ នៅពហុកីឡដ្ឋានជាតិអូឡាំពិក ហើយ បឹងកេត ធ្វើនៅឆ្នាំ ២០១៣ ក៏នៅពហុកីឡដ្ឋានជាតិអូឡាំពិក។
រហូតដល់ពេលនេះ ព្រះខ័នរាជស្វាយរៀង នៅមិនទាន់ដឹងពីការធ្វើម្ចាស់ផ្ទះពូលណានៅឡើយទេ ដោយសារការចាប់ឆ្នោតត្រូវធ្វើនៅថ្ងៃទី ២៨ ខែសីហា ទើបដឹងពូល និងក្រុមណាខ្លះត្រូវធ្វើដំណើរមកកម្ពុជា។
ព្រះខ័នរាជស្វាយរៀង បានក្លាយជាក្រុមកម្ពុជាដំបូងគេបានធ្វើម្ចាស់ផ្ទះវគ្គផ្តាច់ព្រ័ត្រ ពានរង្វាន់ AFC Challenge League រដូវកាលមុននៅពហុកីឡដ្ឋានជាតិមរតកតេជោ ដែលនឹងក្លាយជាទីលាននៃការប្រកួតវគ្គសន្សំពិន្ទុក្នុងពូលរដូវកាលថ្មី។
សូមបញ្ជាក់ថា រដូវកាលថ្មី ២០២៥-២៦ កម្ពុជា មានក្លិបចំនួន ៣ លេងពានរង្វាន់កម្រិតអាស៊ីគឺ ព្រះខ័នរាជស្វាយរៀង ប្រកួតពាន AFC Challenge League និង ASEAN Club Championship ខណៈ ក្រុមបុរសភ្នំពេញក្រោន លេងពាន AFC Challenge League ហើយក្រុមនារីភ្នំពេញក្រោន លេងពាន AFC Women’s Champions League៕
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ