ប្រកាសយប់មិញ តើ Iphone 13 មានអ្វីប្លែក និងអស្ចារ្យជាងជំនាន់មុន?

ទូរសព្ទ iPhone ស៊េរីថ្មីចុងក្រោយ បានប្រកាសចេញលក់ហើយ កាលពីយប់មិញនេះ។ ក្នុងនោះក្រុមហ៊ុន Apple​ បានដាក់ចេញនូវកំពូលស្មាតហ្វូនរបស់ខ្លួនចំនួន ៤ស៊េរីគឺ iPhne 13, iPhne 13 mini, iPhne 13 Pro និង iPhne 13 Pro Max។

តោះ! មកស្វែងយល់នូវកំពូលទូរសព្ទទំនើបទាំង ៤ ខាងក្រោមនេះ៖

លក្ខណៈសម្បត្តិ iPhone 13 និង iPhone 13 mini

– iPhne 13 mini តម្លៃចាប់ពី ៧៩៩ ដុល្លារអាមេរិក ចំណែក iPhone 13 តម្លៃចាប់ពី ៨៩៩ ដុល្លារ ជាមួយទំហំផ្ទុកទិន្នន័យចាប់ពី 128GB ឡើងទៅ

-iPhone 13 និង iPhone 13 mini មាន ៥ ពណ៌សម្រាប់ជ្រើសរើសគឺ ផ្កាឈូក ខៀវ ស ខ្មៅ និង ក្រហម

-iPhone 13 មានលក្ខណៈឆកតូចជាង iPhone 12 ២០%

– ប្លង់កាមេរ៉ាទម្រង់ថ្មី បញ្ឆិតគ្នា២គ្រាប់ ហើយអាចចាប់ពន្លឺបានខ្លាំងជាងមុន ៤០% ប្រើប្រភេទលេន Ultra-Wide អនុញ្ញាតឱ្យមានពន្លឺកាន់តែភ្លឺនៅទីងងឹត

-ផ្ទៃអេក្រង់ iPhone 13 និង iPhone 13 Pro មានពន្លឺភ្លឺជាងមុន ២៨% ជាមួយនឹងពន្លឺ ៨០០ nits

– មុខងារថតព្រិលផ្ទៃក្រោយ Video Cinemetic Mode

-អាចតភ្ជាប់ជាមួយសេវា 5G

-iPhone 13 mini មានថាមពលថ្មខ្លាំងជាងមុន ១.៥ ម៉ោង ខណៈ iPhone 13 មានថាមពលថ្មខ្លាំងជាងមុន ២.៥ ម៉ោង។

លក្ខណៈសម្បត្តិ iPhone 13 Pro និង Pro Max

-iPhone 13 Pro តម្លៃចាប់ពី ៩៩៩ ដុល្លារ រីឯ iPhone 13 Pro Max មានតម្លៃចាប់ពី ១.០៩៩ ដុល្លារ។ ស៊េរីទាំងពីរនេះមានទំហំផ្ទុកទិន្នន័យរហូតដល់ 1TB

-ម៉ូដែល iPhone 13 Pro បំពាក់បច្ចេកវិទ្យា ProMotion ថ្មីដែលអាចឱ្យវាដំណើរការលឿនពី 10Hz-120Hz

-បំពាក់កាមេរ៉ា telephoto ថ្មីមួយដែលមានការពង្រីកអុបទិក ៣ដង រួមជាមួយប្រភេទលេន Ultra-wide ដែលអនុញ្ញាតឱ្យមានពន្លឺកាន់តែច្បាស់ជាងមុន ២.២ ដង ទោះនៅកន្លែងមានពន្លឺតិច

-ទូរសព្ទ iPhone 13 Pro មានសមត្ថភាពថតរូបពង្រីក ជាមួយនឹងការថតជិត ហើយសូម្បីតែថតពេលយប់ក៏ចាប់បានរូបភាពច្បាស់ដែរ

-ប្រព័ន្ធកាមេរ៉ា TrueDepth ថ្មីមានទំហំតូចជាងមុន ២០%

-ទូរសព្ទ iPhone 13 Pro ភ្ជាប់មកជាមួយថ្មខ្លាំងជាងមុន ដូច្នេះវាកាន់ភ្លើងបានយូរជាងម៉ូដែលមុន ១.៥ ម៉ោង ហើយវិញ iPhone Pro Max កាន់ភ្លើងយូរជាងមុន ២.៥ ម៉ោង

-ប្រើបន្ទះឈីប A15 Bionic ក្រាហ្វិកខ្លាំងបំផុតមិនធ្លាប់មាន ជាមួយនឹងដំណើរការល្អជាងទូរសព្ទប្រកួតប្រជែងប្រមាណ ៥០%

-អេក្រង់ Super Retina XDR កម្រិតពន្លឺភ្លឺច្បាស់ ១,០០០ nits ពេលនៅខាងក្រៅ

-iPhone 13 Pro មាន៤ពណ៌គឺ ខ្មៅស្រាល មាស ទឹកប្រាក់ និងខៀវស្រាល៕

ប្រែសម្រួល៖ សន្យា

ប្រភព៖ toms guide

ចុចអាន៖ អនាគតនៃឧស្សាហកម្មសិល្បៈកម្សាន្តនិងបច្ចេកវិទ្យា

ចុចអាន៖ តោះ! ស្វែងយល់អំពីបច្ចេកវិទ្យាសាកថ្មលឿននៅក្នុងទូរសព្ទ iPhone 12