បច្ចេកវិទ្យា

ការផ្ដាច់ទំនាក់ទំនងសង្គម បានធ្វើឲ្យ Zoom ក្លាយជាកម្មវិធី App ធំមួយក្នុងពិភពលោក

បានផុស

៥ years មុន

នៅ

ថ្ងៃព្រហស្បតិ៍ ១០ កញ្ញា ២០២០

ដោយ

កម្មវិធី Zoom បានក្លាយជាកម្មវិធី App ដ៏សំខាន់មួយក្នុងពិភពលោកនៅក្រោយពេលរោគកូវីដរាតត្បាត ដោយសារមនុស្សគ្រប់គ្នា កំពុងរៀននិងធ្វើការឆ្លងឆ្លើយអនឡាញយ៉ាងមមារញឹក។

លោក Eric Yuan ស្ថាបនិកនិងជានាយកប្រតិបត្តិក្រុមហ៊ុន Zoom.GETTY IMAGES
និយាយថា ឥឡូវលោកប្រើ Zoom រយៈពេលហោចណាស់ពីបួនទៅប្រាំម៉ោងក្នុងមួយថ្ងៃៗ ដើម្បីគ្រប់គ្រងក្រុមហ៊ុនមួយដែលនៅឆ្ងាយពិសេសវាជួយសម្រួលខ្លាំងសម្រាប់រាល់ពេលរៀបចំការប្រជុំ។

កម្មវិធី Zoom អាចប្រើបានដោយឥតគិតថ្លៃទាំងតាមទូរសព្ទទំាងកុំព្យូទ័រ។

មនុស្សរាប់លាននាក់ ឥឡូវនេះ ទើបតែបានដោនឡូតZoomដែលធ្វើឲ្យកម្មវិធីនេះមានតួលេខប្រើប្រាស់កើនគំហុក ក្នុងរយៈពេលប៉ុន្មានសប្តាហ៍ចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកនេះ ភាគច្រើនគេប្រើZoom ជាការប្រជុំតាមវីដេអូឆ្លងប្រទេស។ តែឥឡូវមានក្រុមហ៊ុនកាន់តែច្រើនឡើង កំពុងប្រើប្រាស់ Zoom ដើម្បីរក្សាទំនាក់ទំនង និងរក្សាក្រុមការងារពីផ្ទះរបស់ពួកគេ ឲ្យមានផលិតភាព។

មុនពេលដែលCovid19 បានបង្ខំឲ្យគ្រប់គ្នាត្រូវនៅផ្ទះនោះ Zoom គឺជាឧបករណ៍សម្ភារៈវីដេអូនាំមុខមួយ ប៉ុន្តែពេលនេះវាកំពុងក្លាយជាការិយាល័យលើលំហរ។
កូរ៉ូណាថ្មី បានបង្ខំឲ្យនិយោជិករាប់លាននាក់ទូទំាងលោកយើងនេះត្រូវធ្វើការពីផ្ទះ ហើយនិយោជិកពីចម្ងាយត្រូវការឧបករណ៍សន្និសីទប្រជុំឆ្លើយឆ្លង។ សូម្បីការសិក្សាអនឡាញក៏ត្រូវការកម្មវិធីZoomជាសំខាន់ដែរ។

ជំនួសឲ្យការព្រួយបារម្ភអំពីការហៅទូរស័ព្ទនិងចំណាយពេលពាក់កណ្ដាលការប្រជុំដើម្បីប្រាកដថាអ្នករាល់គ្នាអាចស្ដាប់បាន ពួកគេគ្រាន់តែចុចលើតំណហើយទម្លាក់សារទាំងអស់នៅក្នុងសន្និសីទ។ វាមានភាពងាយស្រួលក្នុងការចែករំលែកការជជែកពីគ្រប់គ្នាលើអេក្រង់រួមដែលស៊ីសង្វាក់គ្នាទាំងរវាងសំឡេងនិងរូបភាព។

ក្រុមហ៊ុន Zoom Video Communications គឺជាក្រុមហ៊ុនផ្ដល់សេវាកម្មសន្និសីទពីចម្ងាយ ដែលមានទីស្នាក់ការនៅ San Jose រដ្ឋ California សហរដ្ឋអាមេរិក៕

ប្រែសម្រួល៖ ចម្រើន តារា

ចុចអាន៖ជំនាញទីផ្សារឌីជីថល៖ ឧបករណ៍ធ្វើតេស្តគេហទំព័រ website testing

ចុចអាន៖អ្នកខ្លះមិនដឹងខ្លួនទេ USB Flash Drive ប្រើប្រាស់រួច មានហានិភ័យខ្លាំងណាស់

Related Topics:បច្ចេកវិទ្យា