ចរាចរណ៍

បុរសម្នាក់អង្គុយនិយាយលេងក្រោមកង់ឡានដល់ពេលបញ្ឆេះឡានជាប់លេខឡានបើកទៅមុខបណ្តាលឲ្យកិនស្លាប់យ៉ាងអាណោចអាធ័ម

បានផុស

៥ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

បន្ទាយមានជ័យ ៖ បុរសម្នាក់អង្គុយនិយាយលេងក្រោមកង់ឡានដឹកដី ដល់ពេលតៃកុងឡើងបញ្ឆេះឡាន ស្រាប់តែជាប់លេខឡានបើកទៅមុខបណ្តាលឲ្យកិនស្លាប់យ៉ាងអាណោចអាធ័មនៅវេលាម៉ោង៨និង១០នាទីព្រឹកថ្ងៃទី២០ ខែឧសភា ឆ្នាំ២០២១ នៅភូមិដូនឡឹក ឃុំសំបួរ ស្រុកមង្គលបូរី ខេត្តបន្ទាយមានជ័យ។

នគរបាលមូលដ្ឋានឃុំសំបួរបានឲ្យដឹងថា ជនរងគ្រោះមាន ឈ្មោះ សេង ហ៊ឺ ភេទ ប្រុស អាយុ ៣៦ ឆ្នាំ មុខរបរអ្នកបើករថយន្ត រស់នៅភូមិស្រមោច ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។

នគរបាលបានបញ្ជាក់ឲ្យដឹងបន្តទៀតថា នៅមុនពេលកើតហេតុជនរងគ្រោះ រួមទាំងអ្នកបើកអេស្ការបានអង្គុយលេងនៅក្រោមកង់រថយន្តបែនដឹកដីរបស់ឈ្មោះ ឈុំ កញ្ញា ភេទប្រុស អាយុ៣១ឆ្នាំ នៅភូមិតាឡំចុង ឃុំតាឡំ ស្រុកមង្គលបូរី ខេត្តបន្ទាយមានជ័យ មុខរបរអ្នកបើករថយន្តអង្គុយលេងជាច្រើនម៉ោងអ្នកបើកអេស្ការក៏ដើរទៅបើកអេស្ការដើម្បីចូកដី ចំណែកឈ្មោះឈុំ កញ្ញា បានដើរឡើងរថយន្តរបស់ខ្លួនហើយបានបញ្ឆេះដើម្បីលើកទ្រុងឡានចាក់ដីនៅជាប់ពីល្ងាចចេញពេលនោះជនរងគ្រោះមិនបានក្រោកចេញពីកង់ក្រោយរថយន្តនៅពេលដែលឈ្មោះឈុំ កញ្ញា បានបញ្ឆេះម៉ាស៊ីនបាញ់ខ្យល់ចាក់ដីចេញពីឡានក៏ស្រាប់តែឡានជាប់លេខហើយជ្រុលទៅមុខកិនជនរងគ្រោះដែលកំពុងអង្គុយជាប់នឹងកង់ឡានខាងក្រោយស្លាប់ភ្លាមៗនៅនឹងកន្លែង។

ក្រោយដឹងថា ឡានរបស់ខ្លួនកិនអ្នកបើកដឹកដីជាមួយគ្នាស្លាប់ឈ្មោះឈុំ កញ្ញា បានបើកទ្វាររថយន្តរត់គេចខ្លួនបាត់ បន្សល់ទុកតែរថយន្តនិងសពនៅកន្លែងដឹកដី។ ក្រោយពីកើតហេតុហើយសមត្ថកិច្ចបានមកដល់កន្លែងកើតហេតុបានធ្វើកំណត់ហេតុប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណី ចំណែករថយន្តកម្លាំងនគរបាលយកមករក្សាទុកនៅអធិការដើម្បីដោះស្រាយនៅថ្ងៃមុខ៕

ដោយ ៖ វ៉ាន់ ណាង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:គ្រោះថ្នាក់ចរាចរណ៍

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា