ចរាចរណ៍

ដឹកត្រីលើសទម្ងន់ ក្រឡាប់ចាក់ពេញផ្លូវ នៅខេត្តបាត់ដំបង

បានផុស

៥ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

រថយន្តដឹកត្រីមួយគ្រឿង ទំនងដឹកលើសទម្ងន់ បានបួងចង្កូតលើកំណាត់ផ្លូវកោងក្រឡាប់ចាក់ត្រីពេញថ្នល់។ ហេតុការណ៍នេះបានកើតឡើងកាលពីរសៀលថ្ងៃទី១១ ខែសីហា ឆ្នាំ២០២១ លើកំណាត់ផ្លូវជាតិលេខ៥ ត្រង់ចំណុចផ្លូវកោង ក្នុងភូមិក្បាលខ្មោច ឃុំជ្រៃ ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពនៅកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តមួយគ្រឿងម៉ាក ហ៊ីយ៉ាន់ដាយ ពណ៌សពាក់ស្លាកលេខ ភ្នំពេញ 3F- 4405 បើកបរដឹកត្រីប្រា ពេញ(ទំនងលើសចំណុះ) ក្នុងទិសដៅពីលិចទៅកើត លុះមកដល់ចំណុចកើតហេតុ រថយន្តខាងលើបានបាក់សាក់ស៊ីបណ្តាលឲ្យដាច់កង់ក្រោយក្រឡាប់ផ្ងារជើងចាក់ត្រីចោល ចំណែករថយន្តរងការខូចខាតយ៉ាងដំណំ តែសំណាងល្អមិនបណ្តាលឲ្យនរណាម្នាក់រងរបួសឡើយ តែបានបង្កឲ្យខូចខាតផ្លូវកៅស៊ូមួយចំនួន។

ក្រោយពីមានការក្រឡាប់មួយសន្ទុះធំ ទើបគេសង្កេតឃើញវត្តមានសមត្ថកិច្ចជំនាញចុះមកដល់ តែមិនបានធ្វើការវាស់វែងនោះទេដោយសាររថយន្តក្រឡាប់ខ្លួនឯង និងមិនមានអ្នករងរបួស ។ទើបឲ្យម្ចាស់រថយន្តដឹកត្រីទំនាក់ហៅឡានមកសាងយកត្រី និងយករថយន្តស្ទូចមកស្ទូចយកទៅធ្វើការជួសជុលដោយខ្លួនឯង។ ក្រុមកម្មករដែលនាំគ្នាមក កើបត្រីដែលក្រឡាប់ពេញថ្នល់នោះផ្ទេរទៅឡានផ្សេងចំនួនពីរគ្រឿង និង បានអះអាងថា គេដោះស្រាយរួចអស់ហើយ គឺបានបង់លុយដល់មន្ត្រីជំនាញថ្លៃខូចផ្លូវអស់៧០ដុល្លារ៕

អត្ថបទ៖ សោ និយមរ័ត្ន

Related Topics:គ្រោះថ្នាក់ចរាចរណ៍ខេត្តបាត់ដំបង

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា