ចរាចរណ៍
ជិះម៉ូតូឌុបកូនឆ្លងផ្លូវមិនប្រយ័ត្ន ត្រូវរថយន្ដបុកពីក្រោយស្លាប់ទាំងពីរ
បើកបរឲ្យមានការប្រុងប្រយ័ត្នគ្រោះថ្នាក់មួយវិនាទីនៅចំពោះមុខ ឪពុកនិងកូនបានបាត់បង់ជីវិត ខណ:រថយន្តសេរីទំនើបមួយគ្រឿងបើកបរក្នុងល្បឿនលឿនបុកពីក្រោយយ៉ាងពេញទំហឹង បណ្តាលឲ្យឪពុកនិងកូនផ្លោងជាច្រើនម៉ែត្រស្លាប់នៅលើផ្លូវជាតិ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១និង១០នាទីរសៀល ថ្ងៃទី១៥ ខែសីហា ឆ្នាំ២០២២ នៅលើផ្លូវជាតិលេខ៧៨ នៅត្រង់ចំណុចបង្គោលគីឡូលេខ៧៣-៧៤ ស្ថិតនៅក្នុងភូមិ៣ ឃុំស្រែអង្រ្គង ស្រុកកូនមុំ។
លោកវរសេនីយ៍ត្រី រស់ វណ្ណា មេបញ្ជាការអាវុធហត្ថស្រុកកូនមុំ បានឲ្យដឹងថា ករណីគ្រោះថ្នាក់ចរាចរណ៍ខាងលើនេះ រថយន្តបុកម៉ូតូពីក្រោយក្នុងទិសដៅស្របគ្នា បណ្តាលឲ្យឪពុកនិងកូនតូចស្លាប់ភ្លាមៗនៅកន្លែងកើតហេតុ។ រថយន្តបង្កមួយគ្រឿងម៉ាកFord ពណ៌ខ្មៅ សេរីឆ្នាំ២០២២ ពាក់ស្លាកលេខកម្ពុជា PNR-8696 បើកបរក្នុងទិសដៅពីភ្នំពេញ មកខេត្តរតនគិរី។ ម្ចាស់រថយន្តក្រោយកើតហេតុបានចុះរត់គេចខ្លួនបាត់បន្សល់ទុកតែរថយន្តនៅកន្លែងកេីតហេតុ។
លោកមេបញ្ជាការបានបញ្ជាក់ថា ជនរងគ្រោះឪពុកឈ្មោះ ហុីង សុីវ៉ូន ភេទប្រុស អាយុ៣៤ឆ្នាំ ជនជាតិខ្មែរ មុខរបរកសិករ មានទីលំនៅបច្ចុប្បន្នភូមិ២ ឃុំស្រែអង្រ្គង ស្រុកកូនមុំ ខេត្តរតនគិរី។ រួមដំណើរជាមួយកូនឈ្មោះ សុីវ៉ូន លីម៉ា ភេទប្រុស អាយុ៥ឆ្នាំ ជនជាតិខ្មែរ។ ខណៈអ្នកបើកបរម៉ូតូខ្វះការប្រុងប្រយ័ត្នជាមុន បានបត់ឆ្លងផ្លូវមិនបានងាកមើលក្រោយ ហើយក៏មិនបានកាច់ភ្លើងសញ្ញាផងនោះ ទើបធ្វើឲ្យអ្នកបើកបររថយន្តមិនបានចាប់អារម្មណ៍។
ក្រោយពេលកេីតហេតុកម្លាំងអាវុធហត្ថនិងកម្លាំងនគរបាលចរាចរណ៍ស្រុកបានចុះមកអន្តរាគមន៍ធ្វេីការវាស់វែង រួចបានធ្វើកំណត់ហេតុប្រគល់សពជូនក្រុមគ្រួសារយកទៅធ្វេីបុណ្យតាមប្រពៃណី។ ចំណែកមធ្យោបាយទាំងពីរគ្រឿងសមត្ថកិច្ចយកមករក្សាទុកនៅអធិការដ្ឋាននគរបាលស្រុកកូនមុំ ដើម្បីចាត់ការបន្តតាមនីតិវិធីច្បាប់៕
អត្ថបទ៖ វុទ្ធឦសាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត