រកឃើញរថយន្ត Hummerដែលបុកម៉ូតូមួយគ្រឿងបណ្ដាលឲ្យម្ដាយកូនស្លាប់នៅសង្កាត់ស្រះចក

កម្លាំងនគរបាលនៃស្នងការដ្ឋាននគរបាលរាជធានីភ្នំពេញ កាលពីថ្ងៃទី២៧ ខែធ្នូ ឆ្នាំ២០២៣ បានប្រកាសរកឃើញរថយន្ដម៉ាក Hummer ដែលបង្កគ្រោះថ្នាក់ចរាចរណ៍បណ្ដាលឲ្យម្ដាយកូន២នាក់ស្លាប់ និងប្ដីរបួសធ្ងន់ហើយ និងកំពុងស្វែងរកអ្នកបើកបរមកផ្ដន្ទាទោសតាមផ្លូវច្បាប់។

ជាមួយគ្នានេះ លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក៏បានអំពាវនាវឲ្យអ្នកបើករថយន្ដបង្កចូលខ្លួនមកសារភាព និងទទួលស្គាល់កំហុសនៅចំពោះមុខសមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា កាលពីយប់រំលងអាធ្រាត្រឈានចូលថ្ងៃទី២៥ ខែធ្នូ ឆ្នាំ២០២៣ មានករណីគ្រោះថ្នាក់ចរាចរណ៍មួយកើតឡើងរវាងរថយន្ត និងម៉ូតូនៅចំណុចទល់មុខផ្ទះលេខ 53E តាមបណ្ដោយវិថីព្រះស៊ីសុវត្ថិ ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។ របាយការណ៍សមត្ថកិច្ចបានឲ្យដឹងថា ម៉ូតូជនរងគ្រោះម៉ាក NEX ពណ៌ស ពាក់ផ្លាកលេខព្រៃវែង1Q-7635 ជិះគ្នា៣នាក់ (ប្ដី ប្រពន្ធ និងកូនអាយុ២ឆ្នាំ) បណ្ដាលឲ្យម្ដាយកូនស្លាប់ភ្លាមៗនៅកន្លែងកើតហេតុ និងបុរសជាប្ដីរងរបួសធ្ងន់ ចំណែករថយន្ដបើកគេចខ្លួនបាត់។

របាយការណ៍បញ្ជាក់ថា ជនរងគ្រោះដែលស្លាប់មានឈ្មោះ គ្រួច សាមិត្ត អាយុ២០ឆ្នាំ ស្នាក់នៅភូមិដីថុយ ឃុំដីថុយ ស្រុកបាភ្នំ ខេត្តព្រៃវែង និងកូនអាយុ២ឆ្នាំ៕