ចរាចរណ៍

បើកបរបញ្ច្រាសទិសគ្នាបុកពេញទំហឹងរងរបួសម្នាក់

បានផុស

៤ years មុន

នៅ

ថ្ងៃពុធ ២៤ កុម្ភៈ ២០២១

ដោយ

នារីវ័យ១៧ឆ្នាំម្នាក់រងរបួសធ្ងន់ ត្រូវបានបញ្ជូនទៅសង្គ្រោះភ្លាមៗ ក្នុងករណីគ្រោះថ្នាក់ចរាចរណ៍រវាងរថយន្ដនិងម៉ូតូ។

បើតាមសេចក្តីរាយការណ៍របស់លោកអធិការ ស្រុកបន្ទាយស្រីបានឲ្យដឹងថា ករណីគ្រោះថ្នាក់ចរាចរណ៍នេះបានកើតឡើងកាលវេលាម៉ោង១៤និង៣០នាទី ថ្ងៃទី២៣ខែកុម្ភៈ ឆ្នាំ២០២១ ដែលកើតឡើងរវាងរថយន្តនិងម៉ូតូបើកបរបញ្ច្រាសទិសគ្នាត្រង់ចំណុចភូមិកកោះជ្រុំ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអធិការស្រុកបន្ទាយស្រី បានបញ្ចាក់ឲ្យដឹងថា រថយន្តម៉ាកសាំយ៉ុងពណ៌ស ពាក់ស្លាកលេខ2AF 9282 បើកបរដោយឈ្មោះ អិប ភារម្យ ភេទប្រុសអាយុ២៤ឆ្នាំ ទីលំនៅភូមិឬស្សីសាញ់ ឃុំជ្រោយនាងនួន ស្រុកស្រីស្នំ ខេត្តសៀមរាប បុកជាមួយនិងម៉ូតូហុងដាឌ្រីមC125ពណ៌ខ្មៅ ស៊េរីឆ្នាំ២០១៦ពាក់ស្លាកលេខបន្ទាយមានជ័យ1N4084 បើកបរដោយឈ្មោះ ឡាង រក្សា ភេទស្រីអាយុ១៧ឆ្នាំនៅភូមិរំជ័យ ឃុំល្វែងឬស្សី ស្រុកជីក្រែង ខេត្តសៀមរាប។

លោកបានបន្តទៀតថា ករណីខាងលើបណ្តាលឲ្យរងរបួសអ្នកបើកបរម៉ូតូ(ធ្ងន់)ត្រូវបានបញ្ជូនទៅសង្ក្រោះនៅមន្ទីរពេទ្យខេត្តសៀមរាប ចំណែករថយន្តនិងម៉ូតូសមត្ថកិច្ចរក្សាទុកនៅអធិការស្រុកបន្ទាយស្រី រងចាំភាគីទាំងសងខាងចូលខ្លួនមកដោះស្រាយតាមច្បាប់៕

អត្ថបទ ៖ គឿនវេត