តារាកូរ៉េ៣រូបរងការចោទថា លួចប្រើនិមិត្តសញ្ញានយោបាយ ចំពេលប្រទេសត្រៀមបោះឆ្នោតប្រធានាធិបតី

តារាចម្រៀង Karina, Han So-hee, Beenzino កំពុងប្រឈមមុខនឹងការត្រួតពិនិត្យលើការបង្ហោះតាមប្រព័ន្ធផ្សព្វផ្សាយសង្គម ដែលត្រូវបានបកស្រាយថាជានិមិត្តសញ្ញានយោបាយ ចំពេលប្រទេសត្រៀមបោះឆ្នោតប្រធានាធិបតីកូរ៉េខាងត្បូង។

កាលពីថ្ងៃទី ២៧ ខែឧសភា Karina បានបង្ហោះរូបថតនៅលើបណ្ដាញ SNS របស់នាង ដោយពាក់អាវពណ៌ក្រហមមានសញ្ញាលេខ ២ សរសេរនៅលើវា។ អ្នក​លេង​អ៊ីនធឺណិត​មួយ​ចំនួន​បាន​ដាក់​ការ​សង្ស័យ​ថា សមាជិកក្រុមចម្រៀង aespa បង្ហាញ​ជំហរ​នយោបាយផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការឆ្លើយតប ភាគីរបស់ Karina បានបំភ្លឺថា មេក្រុម aespa គ្រាន់តែបង្ហោះអំពីជីវិតប្រចាំថ្ងៃរបស់នាង នៅលើបណ្ដាញ SNS ដោយមិនមានគោលបំណង ឬចេតនាផ្សេងនោះទេ។ ដោយទទួលស្គាល់ពីសក្តានុពលនៃការយល់ច្រឡំ នាងបានលុបការបង្ហោះនេះភ្លាមៗ។

ទោះ​ជា​យ៉ាង​ណា ភាព​ចម្រូង​ចម្រាស​មិន​ងាយ​ស្រុត​ចុះ​ឡើយ។ អ្នកលេងអ៊ីនធឺណិតមួយចំនួនក៏បានបញ្ចេញមតិលើ SNS របស់តារាសម្តែង Han So-hee ដោយភ្ជាប់ការបង្ហោះរបស់នាងទៅនឹងអត្ថន័យនយោបាយ។ នេះ​កើត​ចេញ​ពី​រូបថត​ធ្វើ​ដំណើរ​ដែលតារាស្រីបាន​ចែក​ចាយ​កាលពីថ្ងៃ​ទី ២៧ ខែ​ឧសភា ដែល​ក្នុង​នោះ​នាង​ដៃចេញជាអក្សរ V។ រូបថតធម្មតារបស់ Han So-hee ក្នុងសម្លៀកបំពាក់ពណ៌ស ត្រូវបានគេបកស្រាយដោយមិននឹកស្មានដល់ថាជាបញ្ហានយោបាយ ហើយបានរីករាលដាលនៅលើអ៊ីនធឺណិតយ៉ាងរហ័ស។

នៅថ្ងៃទី ២៩ខែឧសភា តារាចម្រៀងរ៉េប Beenzino បានក្លាយជាចំណុចកណ្តាលនៃការចាប់អារម្មណ៍យ៉ាងខ្លាំង។ គាត់បានបង្ហោះរូបថតជីវិតប្រចាំថ្ងៃដោយស្លៀកសម្លៀកបំពាក់ពណ៌ក្រហមជាមួយនឹងចំណងជើងថា ទិវា Burgundy ពិភពលោក ។ មតិ​ស្មាន​បាន​តាម​ដាន​ដោយ​បង្ហាញ​ថា Beenzino កំពុង​តែ​បង្ហាញ​ជំហរ​នយោបាយ ហើយ​គាត់​បាន​លុប​ការ​បង្ហោះ​ប្រហែល​ពីរ​ម៉ោង​បន្ទាប់​ពី​បង្ហោះ​វា។

ការផ្សាយបន្តផ្ទាល់ដែលប្រើដើម្បីភ្ជាប់ទំនាក់ទំនងជាមួយអ្នកគាំទ្រក៏ស្ថិតនៅក្រោមការត្រួតពិនិត្យក្នុងអំឡុងពេលបោះឆ្នោតប្រធានាធិបតីផងដែរ។ ក្នុងអំឡុងពេលវគ្គផ្សាយផ្ទាល់របស់ YouTube សមាជិក NMIXX គឺតារាស្រី Bae និងតារាចម្រៀង Sullyoon បានប្រាស្រ័យទាក់ទងជាមួយអ្នកគាំទ្រ ខណៈពេលកំពុងធ្វើរូបសញ្ញា V ។ Bae ប្រញាប់និយាយបន្លប់លេងសើចទៅកាន់ទស្សនិកជនវិញ។ ចំណែក Sullyoon ក៏ទាក់ទាញការចាប់អារម្មណ៍ដោយធ្វើកាយវិការដៃសម្រាប់លេខទាំងអស់ពីលេខ ១ ដល់លេខ៥ ។

ក្រៅពីតារាប្រុស-ស្រីប៉ុន្មានរូបខាងលើសមាជិក​ក្រុម​តារា​ចម្រៀង​មួយ​ចំនួន​បាន​ប្រើនិមិត្តសញ្ញា​​ក្នុងកាយវិការក្ដាប់ដៃ ដូចជា TOMORROW X TOGETHER (TXT) ខណៈ Sung Han-bin សមាជិក ZEROBASEONE ថត​ក្នុង​ព្រឹត្តិការណ៍​ផ្លូវការ​ដោយ​ប្រើ​កណ្តាប់ដៃ​ប៉ះ​ថ្ពាល់​ជាជាង​ប្រើ​ម្រាម​ចង្អុល​របស់គាត់៕

អត្ថបទ៖ សាង ស្រីល័ក្ខ

ចុចអាន៖តារាកូរ៉េ៣រូប ជាប់ដានធ្វើបាបអ្នកដទៃនៅសាលា ខណៈភាពយន្តចេញផ្សាយក៏បរាជ័យគ្មានអ្នកទស្សនា