ចូល​រួម​ការ​ប្រគំ​តន្ត្រី​ Lady Gaga ចប់ភ្លាម តារា​​តៃវ៉ាន់ Joe Chen ស្រាប់តែចូលដេកពេទ្យ

តារាសម្តែង Joe Chen ត្រូវបានបញ្ជូនទៅកាន់មន្ទីរពេទ្យក្នុងទីក្រុង Johor ប្រទេសម៉ាឡេស៊ី បន្ទាប់ពីមានការឈឺចាប់ក្រពះ និងរាគ បន្ទាប់ពីនាងចូលរួមក្នុងការប្រគំតន្ត្រីរបស់តារាប៉ុបអាមេរិក Lady Gaga នៅប្រទេសសិង្ហបុរីកាលពីថ្ងៃទី ១៨ ខែឧសភា។

យោងតាម ​​The Star ការពិនិត្យសុខភាពដែលធ្វើឡើងបន្ទាប់ពីការប្រគំតន្ត្រីបានបង្ហាញថា តារាស្រីរូបនេះមានជំងឺរលាកខ្នែងពោះវៀន។ នាង​ត្រូវ​បាន​គេ​បញ្ជូន​ទៅ​មន្ទីរពេទ្យ​នៅ​ថ្ងៃ​អង្គារ ហើយ​ចាកចេញ​វិញ​នៅ​ថ្ងៃ​បន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបនាងបានចែករំលែកនៅលើ Instagram Story ផ្ទាល់ខ្លួនថា វេជ្ជបណ្ឌិតបានធានា «ខ្ញុំគ្រាន់តែមានមេរោគរាតត្បាតតិចតួចប៉ុណ្ណោះ ។ ខ្ញុំបានសម្រាកនៅមន្ទីរពេទ្យមួយយប់ ហើយបានជាសះស្បើយឡើងវិញ»។

ទន្ទឹមគ្នានោះដែរ តារាស្រីវ័យ៤៦ឆ្នាំ ក៏បានថ្លែងអំណរគុណដល់ក្រុមវេជ្ជសាស្រ្ដសម្រាប់ការថែទាំយ៉ាងយកចិត្តទុកដាក់ និងថ្លែងអំណរគុណចំពោះមន្ទីរពេទ្យដែលបានផ្ញើកញ្ចប់អំណោយដ៏គិតគូរ។ នាងបានបន្ថែមថា «ខ្ញុំបានចេញពីមន្ទីរពេទ្យរួចហើយ។ គ្រូពេទ្យនិយាយថាខ្ញុំអាចញ៉ាំអ្វីដែលខ្ញុំចង់បាន» ។

តារាសម្តែង Joe Chen ត្រូវបានគេស្គាល់រហស្សនាមជាទូទៅថាជា «Queen of Idol Dramas» សម្រាប់តួនាទីនាំមុខរបស់នាងនៅក្នុងរឿងភាគទូរទស្សន៍ដ៏ពេញនិយមដូចជា «The Prince Who Turns into a Frog» «Fated to Love You» និង «The Queen of SOP» ៕

អត្ថបទ៖ សាង ស្រីល័ក្ខ

ចុចអាន៖​លោក Wang Xiaofei រិះគន់អតីតភរិយា នាង​ សានឆាយ ក្រោយរៀបការ​ប្រពន្ធថ្មី