កីឡា

លោក Pep Muñoz ចាកចេញពីព្រះខ័នរាជស្វាយរៀង ជាមួយគ្រូជំនាញ ៣ នាក់ទៀត

បានផុស

១ year មុន

នៅ

ថ្ងៃសៅរ៍ ៣១ ឧសភា ២០២៥

ដោយ

លោក Pep Muñoz គ្រូបង្វឹកក្លិបបាល់ទាត់ព្រះខ័នរាជស្វាយរៀង បាបសម្រេចចាកចេញពីក្លិប កម្ពុជាមួយនេះ បន្ទាប់ពីលោកបានដឹកនាំ២រដូវកាលប្រកបដោយជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញនេះមិនមែនមានតែលោក Pep Muñoz សញ្ជាតិអេស្ប៉ាញ ម្នាក់នោះទេ ប៉ុន្តែក៏មានក្រុមការងាររបស់លោក៣នាក់ទៀតគឺលោក Ferran Marques Borras គ្រូអ្នកចាំទីសញ្ជាតិអេស្ប៉ាញ លោក Sergi Gallart Puertas គ្រូបង្វឹកកាយសម្បទាសញ្ជាតិអេស្បាញ និងលោក Leonardo Capristo គ្រូបង្វឹកផ្នែកវិភាគការប្រកួត។

ការចាកចេញបែបនេះគឺហាក់ដូចជារឿងទូទៅហើយសម្រាប់បាល់ទាត់សម័យទំនើប ជាពិសេសនៅតំបន់អឺរ៉ុប ពីព្រោះគ្រូបង្គោល និងគ្រូជំនាញផ្សេងៗទៀតគឺជាការងារក្រុមដែលយល់ចិត្តគ្នាពីការងារបង្វឹក ដូច្នេះនៅពេលគ្រូបង្វឹកទទួលបានឱកាសទៅកន្លែងថ្មីក៏នាំទៅជាមួយដើម្បីងាយស្រួលក្នុងការបំពេញការងារ។

ក្លិបព្រះខ័នរាជស្វាយរៀង នឹងប្រកាសគ្រូបង្វឹកថ្មីនៅថ្ងៃទី៣ ខែមិថុនា សប្តាហ៍ក្រោយនេះដើម្បីរៀបចំក្រុមដែលមានភារកិច្ចយ៉ាងមមាញឹកនៅរដូវកាលថ្មីគឺពានរង្វាន់ក្នុង៣ មានដូច ពានបើករដូវកាល ខេមបូឌានស៊ុបភើខាប់ ខេមបូឌានព្រីមៀរលីគ និងពានរង្វាន់សម្តេចអគ្គមហាសេនាបតីតេជោ ហ៊ុន ខណៈពានអន្តរជាតិគឺពានអាស៊ី AFC Challenge League និងពានក្លិបអាស៊ាន ASEAN Club Championship៕