ព័ត៌មានជាតិ

អតីតយុទ្ធជនជាង៣ម៉ឺន៥ពាន់នាក់ ហើយទទួលបានចាក់វ៉ាក់សាំងការពារកូវីដ១៩

បានផុស

៥ years មុន

នៅ

ថ្ងៃចន្ទ ១២ មេសា ២០២១

ដោយ

ភ្នំពេញ ៖ លោក ទេសរដ្ឋមន្ត្រី គន់ គីម ប្រធានសមាគមអតីតយុទ្ធជនកម្ពុជាបានមានប្រសាសន៍ថា គិតត្រឹមថ្ងៃទី១១ ខែមេសា ឆ្នាំ២០២១មាន អតីតយុទ្ធជនកម្ពុជា ជាង៣ម៉ឺន៥ពាន់នាក់ នៅតាមខេត្តចំនួន៨បានទទួលការចាក់វ៉ាក់សាំងការពារជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទេសរដ្ឋមន្ត្រី គន់ គីម បានឲ្យដឹងក្នុងឱកាសចុះពិនិត្យការចាក់វ៉ាក់សាំងកូវីដ១៩នៅតាមបណ្តាខេត្តនានាថាខេត្តចំនួន៨នោះរួមមានខេត្ត បាត់ដំបង ប៉ៃលិន ឧត្តរមានជ័យ បន្ទាយមានជ័យ ពោធិ៍សាត់ កំពង់ឆ្នាំង ព្រៃវែង និងខេត្តត្បូងឃ្មុំ។

លោកទេសរដ្ឋមន្ត្រី បានមានប្រសាសន៍បន្តទៀតថា «ទុកលំបាក និងកង្វល់របស់បងប្អូនអតីតយុទ្ធជន គឺជាកាតព្វកិច្ចរបស់ យើងទាំងអស់គ្នា ជាពិសេសអាជ្ញាធរដែនដី ត្រូវចូលរួមសហការគ្នាជួយដោះស្រាយជូនពួកគាត់អោយ បានទាន់ពេលវេលាដោយមិនទុកពួកគាត់ចោលនោះទេ ហើយជាក់ស្តែងនៅពេលនេះ រាជរដ្ឋាភិបាលដឹកនាំដោយសម្តេចតេជោ ហ៊ុន សែន នាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា បានយកចិត្តទុកដាក់ និងគិតគូរដល់បងប្អូនអតីតយុទ្ធជន ដោយផ្តល់ឱកាសឱ្យទទួលវ៉ាក់សាំងបង្ការជំងឺកូវីដ-១៩ ដំណាក់កាលទី២នេះ»។

គួរបញ្ជាក់ថា សម្តេចតេជោ ហ៊ុន សែន បានផ្តល់វ៉ាក់សាំងស៊ីណូវ៉ាក់ចំនួន៧៩,៤៦៣ដូស សម្រាប់ចាក់ជូនអតីតយុទ្ធជនកម្ពុជានិងគ្រួសារដែលបានចាប់ផ្តើមបើកយុទ្ធនាការចាក់តាំងពីថ្ងៃទី០៨ ខែមេសា ឆ្នាំ២០២១មក៕

ដោយ ៖ សំអឿន