២ថ្ងៃទៀត បាងកក អាចប្រឈមការលិចលង់ធ្ងន់ធ្ងរ ព្រោះទឹកទម្លាយចេញពីទំនប់ចៅប្រាយ៉ា

ការទម្លាយទឹកកម្រិតខ្ពស់ចេញពីទំនប់ចៅប្រាយ៉ា នឹងបង្កផលប៉ះពាល់ដល់តំបន់នៅតាមខ្សែទឹកខាងក្រោម ហើយទីក្រុងបាងកក ក៏ប្រឈមការលិចលង់ផងដែរក្នុងរយៈពេល២ថ្ងៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ The Nation កាលពីថ្ងៃចន្ទទី១០ខែវិច្ឆិកាឆ្នាំ២០២៥ ដោយសារតែសមត្ថភាពទប់ទឹករបស់ខ្លួនកាន់តែជិតឈានដល់កម្រិត ទំនប់ចៅប្រាយ៉ា ត្រូវបង្ខំុរំដោះទឹក ២ ៨០០ម៉ែត្រគូបក្នុងមួយវិនាទី ដែលកត្តានេះនឹងធ្វើឲ្យទឹកហូរទៅដល់រាជធានីបាងកក ក្នុងរយៈពេល២ថ្ងៃទៀត បង្កការហានិភ័យគ្រោះទឹកជំនន់ធ្ងន់ធ្ងរ។

កម្ពស់ទឹកបានហក់ឡើងខ្ពស់ក្នុងរយៈពេលប៉ុន្មានសប្តាហ៍មកនេះ ដោយសារតែភ្លៀងធ្លាក់ឥតឈប់ជាឥទ្ធពលនៃព្យុះជាបន្តបន្ទាប់ ហើយមិនមែនតែបាងកកទេ សូម្បីខេត្តភាគខាងជើងដូចជា Phrae, Nan, Chiang Rai, Sukhothai និង Lampang ក៏កើតមានគ្រោះទឹកជំនន់ធ្ងន់ធ្ងរផងដែរ។

ទំនប់៣របស់ថៃសុទ្ធតែស្តុកទឹកជិតដល់កម្រិត ដូចជា Bhumibol (៩៩%), Sirikit (៩៨%) និង Pa Sak Jolasid (៩៧%) ចំណែកទំនប់មួយទៀតគឺ Khwae Noi បានស្តុកលើសកម្រិតទៅហើយពោលគឺ ១០១%។

ពាក់ព័ន្ធនឹងទំនប់ចៅប្រាយ៉ានេះដែរ កាលពីថ្ងៃសៅរ៍ ខេត្តថៃចំនួន៧ ដូចជា Chainat, Singburi, Ang Thong, Suphanburi, Phra Nakhon Si Ayutthaya, Saraburi និង Pathum Thani បានប្រកាសអាសន្នទឹកជំនន់ឈានដល់ពណ៌ក្រហម ដែលជាកម្រិតធ្ងន់ធ្ងរបំផុតរួចទៅហើយ ដោយសារតែទំនប់ នឹងទម្លាយទឹកយ៉ាងគំហុក៕

អត្ថបទ៖ សុខ សុវណ្ណ

ចុចអាន៖ បាងកក ប្រឈមហានិភ័យ កើតអាសន្នធំនៃគ្រោះទឹកជំនន់