ព័ត៌មានអន្ដរជាតិ
ផ្ទុះគ្រាប់បែកអត្តឃាតនៅប៉ាគីស្ថានសម្លាប់មនុស្ស១២នាក់
យោងតាមការចេញផ្សាយរបស់សារព័ត៌មាន CNA ការបំផ្ទុះគ្រាប់បែកអត្តឃាតដ៏សាហាវនៅខាងក្រៅតុលាការក្នុងទីក្រុងអ៊ីស្លាម៉ាបាដ កាលពីថ្ងៃ១១ ខែវិច្ឆិកា បានសម្លាប់មនុស្សយ៉ាងហោចណាស់ ១២ នាក់ និងរបួស ២៧ នាក់ផ្សេងទៀត ដែលជាការវាយប្រហារដ៏កម្រមួយនៅក្នុងរដ្ឋធានីប៉ាគីស្ថាន។
ការផ្ទុះនេះបានកើតឡើងតាមដងផ្លូវដ៏មមាញឹកមួយ ដោយបំផ្លាញយានយន្ត និងបង្ករបួសដល់ប្រជាជនដែលនៅក្បែរ។ នៅពេលនេះអ្នកស៊ើបអង្កេតកំពុងធ្វើការដើម្បីកំណត់អត្តសញ្ញាណអ្នកបំផ្ទុះគ្រាប់បែក ខណៈដែលកងកម្លាំងប៉ារ៉ាយោធាបានឡោមព័ទ្ធតំបន់នោះ។
គួរបញ្ជាក់ថាការវាយប្រហារនេះកើតឡើងចំពេលមានការកើនឡើងអំពើហិង្សារបស់ពួកសកម្មប្រយុទ្ធនៅទូទាំងប្រទេសប៉ាគីស្ថាន ដែលអាជ្ញាធរប៉ាគីស្ថានបានស្តីបន្ទោសទៅលើក្រុមសកម្មប្រយុទ្ធមកពីប្រទេសអាហ្វហ្គានីស្ថាន។ ភាពតានតឹងរវាងប៉ាគីស្ថាន និងអាហ្វហ្គានីស្ថានបានកើនឡើងចាប់តាំងពីការប៉ះទង្គិចគ្នាតាមព្រំដែនដ៏សាហាវកាលពីខែតុលា ដែលបានបណ្តាលឱ្យមនុស្សជាង ៧០ នាក់ស្លាប់។
ប៉ាគីស្ថានបានហៅការបំផ្ទុះគ្រាប់បែកនៅទីក្រុងអ៊ីស្លាម៉ាបាដថាជា «ការដាស់តឿន» ដោយចោទប្រកាន់ទីក្រុងកាប៊ុលថាបានផ្តល់ជម្រកដល់ពួកសកម្មប្រយុទ្ធ តែរដ្ឋាភិបាលអាហ្វហ្គានីស្ថានបដិសេធ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ២២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន