សេដ្ឋកិច្ច

រដ្ឋប្រកាសព្យួរពន្ធលើប្រាក់ចំណូលរបស់សហគ្រាសផលិត ស្វាយចន្ទី ម្រេច ចេក និងកសិផលមួយចំនួនទៀត

បានផុស

៥ ខែ មុន

នៅ

ថ្ងៃអង្គារ ២៥ វិច្ឆិកា ២០២៥

ដោយ

រដ្ឋាភិបាលបានសម្រេចការព្យួរទុកការបង់ពន្ធលើប្រាក់ចំណូលរបស់សហគ្រាសប្រកបអាជីវកម្មផលិត និងផ្គត់ផ្គង់ក្នុងស្រុក ឬនាំចេញផលិតផលកសិកម្មមួយចំនួន មានដូចជា ស្រូវ អង្ករ ពោត សណ្ដែកម្រេច ដំឡូងមី ស្វាយចន្ទី ជ័រកៅស៊ូ មៀនប៉ៃលិន ស្វាយ ចេក ការចិញ្ចឹមសត្វ វារីវប្បកម្ម និងផលិតផលដូងប្រេងក្នុងស្រុកដែលជាវត្ថុធាតុដើមសម្រាប់ផលិតចំណីសត្វ។ ការប្រកាសព្យូរនេះ មានគោលបំណងដាក់ចេញនូវវិធានការលើកទឹកចិត្តពន្ធដារចំពោះវិស័យកសិកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសេដ្ឋកិច្ច និងហិរញ្ញវត្ថុ បញ្ជាក់ថា សហគ្រាសដែលត្រូវបានកំណត់ខាងលើត្រូវទទួលបានការអនុគ្រោះ ព្យួរទុក ការបង់ពន្ធអប្បបរមា, ព្យួរទុកការបង់ពន្ធប្រាក់រំដោះពន្ធលើប្រាក់ចំណូល និងរួចផុតពីកាតព្វកិច្ចទុកប្រាក់ពន្ធលើការទូទាត់ចំពោះការផ្គត់ផ្គង់សេវាដោយបុគ្គលិកមិនស្ថិតក្នុងរបបស្វ័យប្រកាស។

សហគ្រាសត្រូវបំពេញលក្ខខណ ៤ គឺស្នើសុំវិញ្ញាបនបត្រអាករលើតម្លៃបន្ថែមជាបន្ទុករបស់រដ្ឋពីអគ្គនាយកដ្ឋានពន្ធដារ, ភ្ជាប់បញ្ជីឈ្មោះអ្នកផ្គត់ផ្គង់ ទំនិញ ឬសេវាជាមួយនឹងលិខិតប្រកាសអាករលើតម្លៃបន្ថែមប្រចាំខែ, កាន់បញ្ជីគណនេយ្យស្របតាមច្បាប់ និងលិខិតបទដ្ឋានគតិយុត្តជាធរមាន និងដាក់លិខិតប្រកាសសារពើពន្ធជូនរដ្ឋប្រចាំខែ ប្រចាំឆ្នាំទៅតាមទម្រង់ ពេលវេលា និងទីកន្លែងដែលរដ្ឋបាលសារពើពន្ធបានកំណត៕