សេដ្ឋកិច្ច

កម្ពុជារកចំណូលបាន ១៣៣ លានដុល្លារ ពីការនាំចេញផ្លែស្វាយស្រស់

បានផុស

៦ ខែ មុន

នៅ

ថ្ងៃព្រហស្បតិ៍ ២៩ មករា ២០២៦

ដោយ

កម្ពុជារកចំណូលបានចំនួនជាង ១៣៣ លានដុល្លារ ពីការនាំចេញផ្លែស្វាយស្រស់ នៅក្នុងឆ្នាំ ២០២៥ ធ្លាក់ចុះជិត ១០% ធៀបនឹងឆ្នាំ ២០២៤ ដែលសម្រេចបានជិត ១៥០លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន ឆាយ អគ្គនាយក នៃអគ្គនាយកដ្ឋានកសិកម្ម មានប្រសាសន៍ថា ការនាំចេញផ្លែស្វាយស្រស់បានថយចុះ ដោយសាររោងចក្រដំណាប់ស្វាយក្នុងស្រុកបានប្រមូលទិញផ្លែស្វាយស្រស់មកកែច្នៃជាដំណាប់ស្វាយដើម្បីនាំចេញទៅទីផ្សារក្រៅប្រទេស។

នៅក្នុងឆ្នាំ ២០២៥ ផលិតកម្មផ្លែឈើ និងដំណាំរួមផ្សំនៅកម្ពុជា មានលទ្ធភាពគ្រប់គ្រាន់សម្រាប់ផ្គត់ផ្គង់តម្រូវការក្នុងស្រុក និងធានានូសន្តិសុខស្បៀងសម្រាប់ប្រជាពលរដ្ឋ។

លោក ច័ន្ទ សុផល នាយកប្រតិបត្តិនៃមជ្ឍមណ្ឌលសិក្សាគោលនយោបាយមានប្រសាសន៍ថា ផលិតកម្មស្វាយនៅកម្ពុជា មានលើសតម្រូវការប្រមាណ ១០ ដង ក្នុងមួយឆ្នាំ ខណៈអ្នកសល់ដីធំៗជាច្រើន តែងតែដាំស្វាយកែវរមៀត៕

អត្ថបទ៖ ឡេង ដេត