ព័ត៌មានអន្ដរជាតិ
Nikkie Asia៖ អានុទីនយកសង្គ្រាមជាសន្លឹកបៀ ដើម្បីកៀរគរការគាំទ្រ និងសន្លឹកឆ្នោត
លោក អានុទីន ឆានវីរៈគុល កំពុងប្រើប្រាស់ការប្រយុទ្ធគ្នានៅព្រំដែនជាមួយកម្ពុជា ដើម្បីជាសន្លឹកបៀកៀរគរសំឡេងគាំទ្រ ពង្រឹងជំហរបក្សរបស់ខ្លួន ខណៈការបោះឆ្នោតនៅប្រទេសថៃត្រូវបានរំពឹងទុកនៅដើមឆ្នាំក្រោយ ដែលជាចលនាមួយដែលអ្នកវិភាគបានពិពណ៌នាថាជាល្បែងនយោបាយមានហានិភ័យខ្ពស់។ នេះបើយោងតាមការចុះផ្សាយរបស់សារព័ត៌មានល្បីជប៉ុន Nikkei Asia។
លោកអានុទីន បានរំលាយសភាកាលពីថ្ងៃទី១២ខែធ្នូឆ្នាំ២០២៥ ដែលធ្វើឲ្យមានការបោះឆ្នោតមុនកាលកំណត់។ មន្ត្រីរៀបចំការបោះឆ្នោតក្នុងស្រុកនិយាយថា ការបោះឆ្នោតអាចនឹងត្រូវប្រារព្ធឡើងឆាប់បំផុតនៅខែកុម្ភៈឆ្នាំ២០២៦ខាងមុខ។ ការសម្រេចចិត្តរបស់អានុទីនក្នុងការរំលាយសភា ធ្វើឡើងនៅពេលដែលមានការប៉ះទង្គិចគ្នាតាមបណ្ដោយព្រំដែនថៃ-កម្ពុជាកាន់តែខ្លាំងក្លា ដែលអនុញ្ញាតឲ្យនាយករដ្ឋមន្ត្រីចាំផ្ទះរូបនេះអាចបង្ហាញរូបភាពរបស់ខ្លួនទៅកាន់ពលរដ្ឋថៃក្នុងនាមជាអ្នកការពារអធិបតេយ្យភាពជាតិដ៏ស្មោះស្ម័គ្រ។
អ្នកវិភាគបានលើកឡើងថា ដោយបដិសេធសំណើបទឈប់បាញ់របស់ប្រធានាធិបតីអាមេរិកដូណាល់ត្រាំ លោកអានុទីន បានប្ដេជ្ញាបន្តប្រតិបត្តិការយោធា ដែលជាជំហរទទួលការគាំទ្រពីទាំងអ្នកបោះឆ្នោតអភិរក្សនិយម និងផ្នែកខ្លះនៃស្ថាប័នយោធា។
យ៉ាងណាមិញ តាមរយៈការដាក់សន្តិសុខជាតិជាចំណុចស្នូលនៃការឃោសនាបោះឆ្នោតរបស់ខ្លួន លោកអានុទីន ហាក់ដូចជាកំពុងស្វែងរកផលប្រយោជន៍ពីមនោសញ្ចេតនាស្នេហាជាតិ ខណៈបង្វែរការយកចិត្តទុកដាក់របស់សាធារណជនចេញពីបញ្ហាប្រឈមក្នុងស្រុក រួមមាន ការរិះគន់លើការគ្រប់គ្រងរបស់រដ្ឋាភិបាលចំពោះទឹកជំនន់ធ្ងន់ធ្ងរនៅភាគខាងត្បូង និងបណ្តឹងចោទប្រកាន់ជាច្រើនអំពីអំពើពុករលួយ និងការក្លែងបន្លំដែលពាក់ព័ន្ធនឹងមន្ត្រីរដ្ឋាភិបាលរបស់លោក។
ពេលវេលានៃការរំលាយសភាក៏បានជួយលោកអានុទីន គេចចេញពីការបោះឆ្នោតដកសេចក្ដីទុកចិត្តដែលជិតមកដល់ ដែលត្រូវបានគំរាមកំហែងដោយគណបក្សប្រជាជនជាបក្សប្រឆាំង ដែលបានប៉ះទង្គិចជាមួយរដ្ឋាភិបាលលើទិសដៅគោលនយោបាយ និងការរៀបចំសម្ព័ន្ធភាពឡើងវិញ។
ការប្រយុទ្ធគ្នាតាមបណ្ដោយព្រំដែនបានបណ្ដាលឲ្យជនស៊ីវិលទាំងសងខាងផ្លាស់ទីលំនៅ និងរំខានដល់ពាណិជ្ជកម្ម ដោយបន្ថែមភាពតានតឹងក្នុងតំបន់ ខណៈកិច្ចខិតខំសម្របសម្រួលដែលដឹកនាំដោយអាស៊ានកំពុងជួបការលំបាកក្នុងការទទួលបានលទ្ធផលគួរជាទីពេញចិត្ត ព្រោះតែភាពរឹងរូសរបស់ថ្នាក់ដឹកនាំថៃ។
ដោយសារទិដ្ឋភាពនយោបាយរបស់ប្រទេសថៃត្រូវបានបែងចែកយ៉ាងខ្លាំង អ្នកវិភាគបានព្រមានថា លទ្ធផលនៃការបោះឆ្នោតនៅថៃនៅតែមិនអាចទាយទុកមុនបាន ដោយបង្កើនលទ្ធភាពនៃការបង្កើតរដ្ឋាភិបាលចម្រុះដ៏ផុយស្រួយមួយទៀត ទោះបីជាជម្លោះជាមួយកម្ពុជានៅតែបន្តក៏ដោយ៕
ប្រែសម្រួល៖ ឈាង
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន