ព័ត៌មានជាតិ

គម្រោងវិនិយោគតម្លៃទុនប្រមាណ ៣២៣ លានដុល្លារ ស្នើសុំចុះបញ្ជីវិនិយោគលក្ខណៈសម្បត្តិគ្រប់គ្រាន់

បានផុស

៤ ខែ មុន

នៅ

ថ្ងៃសៅរ៍ ២០ ធ្នូ ២០២៥

ដោយ

ក្រុមប្រឹក្សាអភិវឌ្ឍន៍កម្ពុជាបានបើកកិច្ចប្រជុំ ដើម្បីពិនិត្យសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ១៣ គម្រោង ដែលមានតម្លៃទុនវិនិយោគប្រមាណ ៣២៣ លានដុល្លារ។

កាលពីរសៀលថ្ងៃ ១៩ ខែមីនា ម្សិលមិញនេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានរៀបចំកិច្ចប្រជុំច្រកចេញចូលតែមួយ ដើម្បីពិនិត្យពិភាក្សាលើសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ១៣ គម្រោង ដែលធ្វើឡើងក្រោមវត្តមានលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងមានការចូលរួមពីតំណាងក្រសួង-ស្ថាប័ន និងរដ្ឋបាលខេត្តពាក់ព័ន្ធ។

បើតាមមន្រ្តីក្រុមប្រឹក្សាអភិវឌ្ឍកម្ពុជា គម្រោងវិនិយោគដែលស្នើសុំពិនិត្យមានមុខសញ្ញាវិនិយោគក្នុងវិស័យឧស្សាហកម្មចំនួន ១២ គម្រោង ក្នុងនោះមាន (ផលិតគ្រឿងសម្អាង, ផ្គុំដំទ្បើងបរិក្ខារអគ្គិសនី, ផលិតក្រណាត់ ជ្រលក់ពណ៌ និងផលិតផលវាយនភ័ណ្ឌ, ផលិតសម្ភារៈផ្ទះបាយ, ផ្គុំដំទ្បើងរថយន្ត, ផលិតមីនិងគ្រឿងបន្សំសម្រាប់មី, ផលិតសម្ភារៈបោះជំរំ សម្ភារៈកីទ្បានិងគ្រឿងបន្ទាប់បន្សំ, ផលិតផើងផ្កា និងសម្ភារៈតុបតែងលម្អក្នុងសួនច្បារគ្រប់ប្រភេទ, ផលិតគ្រឿងសង្ហារិម, ផលិតផលិតផលកម្ចាត់សត្វល្អិត, និងវិស័យហេដ្ឋារចនាសម្ព័ន្ធចំនួន ១ គម្រោង (អភិវឌ្ឍន៍ស្ថានីយផលិតអគ្គិសនីដើរដោយថាមពលខ្យល់អានុភាព ១៥០ មេហ្កាវ៉ាត់)។

គម្រោងវិនិយោគទាំងនេះអាចបង្កើតការងារបានប្រមាណ ៧ ពាន់កន្លែង និងមានទីតាំងនៅខេត្តកណ្តាល តាកែវ កំពង់ស្ពឺ កំពង់ឆ្នាំង បាត់ដំបង និងមណ្ឌលគិរី៕