កីឡា
បឹងកេត បង្កការភ្ញាក់ផ្អើល ខណៈ ភ្នំពេញក្រោន ឡើងឈរលើកំពូលតារាងលីគ
ក្លិបបាល់ទាត់ ភ្នំពេញក្រោន បានឡើងទៅកាន់កំពូលតារាងនៃលីគបាល់ទាត់កំពូលកម្ពុជាក្រោយពេលបានយកឈ្នះ ឡាយហ្វ ខេត្តព្រះសីហនុ ដោយលទ្ធផល ៣-០ សម្រាប់ការប្រកួតសប្តាហ៍ទី១៣ កាលពីថ្ងៃទី៤ ខែមករា ឆ្នាំ ២០២៦។
ការឡើងមកកាន់កំពូលតារាងរបស់ ភ្នំពេញក្រោន បន្ទាប់ពី ព្រះខ័នរាជស្វាយរៀង បានចាញ់ វិសាខា ដោយលទ្ធផល ១-២ និងជាការចាញ់លើកទី២ជាប់គ្នា។ ភ្នំពេញក្រោន មិនទាន់ស្គាល់បរាជ័យឡើយដោយឈ្នះ ១០ ប្រកួត និងស្មើ ៣ ប្រកួត រកបាន ៣៣ ពិន្ទុ ហើយពួកគេនៅសល់១ប្រកួតក្នុងដៃទៀត។
ជាមួយគ្នានេះ ព្រះខ័នរាជស្វាយរៀង បានធ្លាក់មកចំណាត់ថ្នាក់លេខ២ បើទោះជាមាន ៣៣ ពិន្ទុស្មើនឹង ភ្នំពេញក្រោន ដោយសាររូបមន្តគិតលើ Head to Head គឺកាលពីជើងទី១ ភ្នំពេញក្រោនបាន ឈ្នះ ព្រះខ័នរាជស្វាយរៀង នៅក្រៅដី ។ ព្រះខ័នរាជស្វាយរៀង បានឈ្នះ១១ប្រកួត និង ចាញ់ ៣ ប្រកួត។
អ្វីដែលគួរឲ្យភ្ញាក់ផ្អើលសម្រាប់ជើងទី២ បឹងកេត បានបង្ហាញភាពខ្លាំងគួរឲ្យចាប់អារម្មណ៍។ ក្រោយពេលបញ្ចេញ និងនាំចូលកីឡាករបរទេសមួយចំនួនបានធ្វើឲ្យពួកគេទទួលបានលទ្ធផលគួរជាទីគាប់ចិត្ត។ ពួកគេបានយកឈ្នះ ព្រះខ័នរាជស្វាយរៀង ២-១ និងចុងក្រោយបានឈ្នះ កងយោធពលខេមរភូមិន្ទ យ៉ាងធំធេងគឺ ៦-០ ដែលធ្វើឲ្យពួកគេមាន ២៥ ពិន្ទុ ឡើងឈរចំណាត់ថ្នាក់លេខ៣។
ក្រុមអង្គរថាយហ្គឺរ បានធ្លាក់ទៅចំណាត់ថ្នាក់លេខ ៣ ហើយ ណាហ្គាវើលដ៍ បានឡើងមកកាន់លេខ៥។ ចំណែក វិសាខា បានឡើងមកកាន់លេខ៦ បន្ទាប់ពីបានយកឈ្នះ ព្រះខ័នរាជស្វាយរៀង។
គិតត្រឹមសប្តាហ៍ទី១៤ ឃើញថា ក្រុមលំដាប់កំពូលៗសុទ្ធតែមានឱកាសឈ្នះជើងឯកលីគដូចគ្នាគឺ ភ្នំពេញក្រោន ព្រះខ័នរាជស្វាយរៀង និង បឹងកេត។ ស្ថានភាពនេះបានធ្វើឲ្យលីគបាល់ទាត់កំពូលកម្ពុជាកាន់តែមានការប្រកួតប្រជែងខ្លាំង និងទាក់ចិត្តអ្នកគាំទ្រទ្វេឡើង។ ភាពខ្លាំងរបស់លីគមួយកើតមានទៅបានទាល់តែមានក្រុមខ្លាំងប្រជែងគ្នា៕
អត្ថបទ៖ វិរបុត្រ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត