កីឡា

កញ្ញា ពេជ្រអក្ខរ៉ា ជាអាជ្ញាកណ្តាលនារីកម្ពុជាកម្រិត FIFA មានការងារច្រើនលើអន្តរជាតិក្នុងឆ្នាំ ២០២៥

បានផុស

៥ ខែ មុន

នៅ

ថ្ងៃចន្ទ ៥ មករា ២០២៦

ដោយ

កញ្ញា ប្លុង ពេជ្រអក្ខរ៉ា ដែលជាអាជ្ញាកណ្តាលនារីកម្ពុជាមួយរូបទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA) បានធ្វើការងារច្រើននៅលើឆាកអន្តរជាតិកាលពីឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកការងារជាអាជ្ញាកណ្តាលនៅក្នុងប្រទេសវិញ កញ្ញា បានធ្វើនៅក្នុងការប្រកួតលីគនារីកម្ពុជា និងការប្រកូតមិត្តភាពក្រៅផ្លូវកការ។ ផ្ទុយទៅវិញ ការងារជាអាជ្ញាកណ្តាលនៅក្រៅនប្រទេស កញ្ញា ប្លុង ពេជ្រអក្ខរ៉ា ទទួលបានច្រើនកាលពីឆ្នាំ ២០២៥ ទាំងកម្មវិធីប្រកួតកម្រិតតំបន់ និងអាស៊ី។

នារីអាជ្ញាកណ្តាលបានរៀបរាប់ពីកម្មវិធីប្រកួតអន្តរជាតិដែលខ្លួនបានធ្វើនៅលើទីលានមានដូចជា៖

ពានរង្វាន់នារីអាស៊ានអាយុ ១៩ ឆ្នាំ (AFF U19 Women’s Asian cup) នៅប្រទេសវៀតណាម
ពានរង្វាន់នារីអាស៊ី (AFC Women’S Asian cup) នៅប្រទេសហ៊ហ្សក់ដានី
ពានរង្វាន់នារីអាស៊ីអាយុ ២០ ឆ្នាំ (AFC U20 Women’s Asian Cup) នៅប្រទេសវៀតណាម
ពានរង្វាន់លីគនារីអាស៊ី (AFC women’s Champions league) នៅប្រទេសមីយ៉ាន់ម៉ា
ពានរង្វាន់នារីអាស៊ីអាយុ ១៧ ឆ្នាំ (AFC U17 Women’s Asian Cup) ប្រទេសជីហ្ស៊ីស្ថាន
ការប្រកួតមិត្តភាពនារីអន្តរជាតិ ហ្វីលីពីន និង អ៊ូបេគីស្ថាន នៅប្រទេសហ្វីលីពីន
ការប្រកួតមិត្តភាពនារីអន្តរជាតិ នៅប្រទេសឥណ្ឌូណេស៊ី

សូមបញ្ជាក់ថា កញ្ញា ប្លុង ពេជ្រអក្ខរ៉ា ជាអាជ្ញាកណ្តាលនារីកម្ពុជាតែម្នាក់គត់ដែលទទួលស្គាល់ដោយ FIFA និងមាននារីកម្ពុជាម្នាក់ទៀតដែលត្រូវបានទទួលស្គាល់ដោយ FIFA ជាជំនួយការអាជ្ញាកណ្តាល៕