កីឡា

លោក ឃិន ឧសីហា ប្រាប់ថា ការងារអាជ្ញាកណ្តាលទទួលរងការប្រមាថ

បានផុស

៧ ខែ មុន

នៅ

ថ្ងៃអង្គារ ១២ មីនា ២០២៤

ដោយ

លោក ឃិន ឧសីហា អាជ្ញាកណ្តាលបាល់ទាត់កម្ពុជាបានបង្ហាញពីបញ្ហាប្រឈមរបស់អាជ្ញាកណ្តាលដែលទទួលរងទុក្ខ ការប្រមាថមើលងាយ ស្របពេលគ្រប់គ្នាទទួលបានភាពត្រឹមត្រូវ និងបំណងរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១២ ខែមីនា ឆ្នាំ២០២៤ លោក ឃិន ឧសីហា ដែលជាអាជ្ញាកណ្តាល១រូបទទួលបានការគោរព និងសរសើរពីអ្នកគាំទ្រច្រើនបានលើកឡើងថា ៖«គ្រប់គ្នាទទួលបានភាពត្រឹមត្រូវ និងបំណង តែពួកខ្ញុំរងទុក្ខខ្លោចផ្សារ ការប្រមាថ ក្រេបជញ្ជក់កម្លាំងញើសឈាម»។

ការលើកឡើងរបស់អាជ្ញាកណ្តាលបាល់ទាត់កម្ពុជារូបនេះកើតឡើង ស្របពេលការកាត់សេចក្តីរបស់អាជ្ញាកណ្តាលបាល់ទាត់កម្ពុជាមួយចំនួនទទួលរងការរិះគន់ពីអ្នកគាំទ្រមួយរយៈពេលចុងក្រោយ។ ជាពិសេសការកាត់សេចក្តីសម្រាប់ការប្រកួតរវាង វិសាខា និងភ្នំពេញក្រោន កាលពីថ្ងៃទី៦ ខែមីនា ឆ្នាំ២០២៤ ជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន រហូតធ្វើឲ្យវិសាខាប្រកាសដកខ្លួនចេញពីការប្រកួតគ្រប់កម្មវិធី។

ការងាររបស់អាជ្ញាកណ្តាលទទួលបន្ទុកធ្ងន់ និងក្លាយជាមុខព្រួញនៃការស្តីបន្ទោស ប្រសិនបើការកាត់សេចក្តីខ្លះចន្លោះ ហើយអ្នកគាំទ្រកម្របានយល់ពីស្ថាភាពការងារ បញ្ហាប្រឈម និងផលវិបាករបស់អាជ្ញាកណ្តាលណាស់៕

អត្ថបទ៖ វីរបុត្រ