ព័ត៌មានអន្ដរជាតិ
ត្រាំ ស្នើ ពូទីន ឱ្យចូលរួមជាមួយ «ក្រុមប្រឹក្សាសន្តិភាព» ដើម្បីបញ្ចប់សង្រ្គាមរ៉ាំរ៉ៃ
ប្រធានាធិបតីរុស្ស៊ី លោក វ្ល៉ាឌីមៀរ ពូទីន ត្រូវបានអញ្ជើញឱ្យចូលរួមក្នុង «ក្រុមប្រឹក្សាសន្តិភាព (Board of Peace)» របស់ប្រធានាធិបតីសហរដ្ឋអាមេរិក លោក ដូណាល់ ត្រាំ ក្នុងគោលបំណងដោះស្រាយជម្លោះជាសកល ក៏ដូចជាត្រួតពិនិត្យអភិបាលកិច្ច និងស្តារសន្តិភាពឡើងវិញនៅតំបន់ហ្គាហ្សា។
ការអញ្ជើញដែលបានធ្វើឡើងកាលពីថ្ងៃចន្ទត្រូវកំពុងធ្វើឡើង ខណៈសង្រ្គាមជិតបួនឆ្នាំរបស់រុស្ស៊ីលើអ៊ុយក្រែននៅតែបន្ត ហើយកិច្ចព្រមព្រៀងសន្តិភាពនៅទីនោះនៅតែពិបាកទទួលយក។ លោក ត្រាំ បានកំពុងជំរុញឱ្យមានការបញ្ចប់សង្រ្គាម ពិសេស លោកអះអាងថា ខ្លួននឹងបញ្ឈប់សង្រ្គាមក្នុងរយៈពេលត្រឹមតែ ២៤ម៉ោង នៃការចូលកាន់តំណែងកាលពីមួយឆ្នាំមុន។
តែយ៉ាងណា សង្រ្គាមយ៉ាងអយុត្តិធម៌បាននឹងកំពុងផ្ទុះឡើងនៅលើមូលដ្ឋាននៃជម្លោះភូមិសាស្ត្រនយោបាយ ប៉ុន្តែការចរចាសន្តិភាពនៅតែបន្ត ចំណែកសន្ទុះបានថយចុះម្តងទៀត។
មិនតែប៉ុណ្ណោះ សេតវិមានបានជូនដំណឹងទៅកាន់មេដឹកនាំជុំវិញពិភពលោកដើម្បីពិភាក្សានៅ «ក្រុមប្រឹក្សាសន្តិភាព» ដែលដឹកនាំដោយលោក ត្រាំ ផ្ទាល់។
អ្នកនាំពាក្យវិមានរដ្ឋាភិបាលរុស្ស៊ីដែលគេស្គាល់ថា «វិមាន kremlin» លោក Dmitry Peskov បានប្រាប់អ្នកសារព័ត៌មានកាលពីថ្ងៃចន្ទថា៖ «ប្រធានាធិបតី លោក ពូទីន ក៏បានទទួលការអញ្ជើញឱ្យចូលរួមក្នុងក្រុមប្រឹក្សាសន្តិភាពនេះផងដែរ»។
លោកបន្តថា៖«តែយ៉ាងណារុស្ស៊ីបានកំពុងស្វែងរកចំណុចរួមមួយក្នុងដើម្បីចូលរួម ដែលស្នើសុំដោយក្រុងវ៉ាស៊ីនតោន»។ ដោយលោកមិនបន្ថែមថាតើលោកពូទីនចង់ចូលរួមដែរឬអត់នោះទេ។
លោក ពូទីន ធ្លាប់បានសរសើរកិច្ចខិតខំប្រឹងប្រែងរបស់លោក ត្រាំ ក្នុងការដោះស្រាយជម្លោះកន្លងមក។
លោកពូទីនបានថ្លែងកាលពីខែតុលាថា៖ « លោក ត្រាំ ពិតជាធ្វើបានច្រើនដើម្បីដោះស្រាយវិបត្តិដ៏ស្មុគស្មាញទាំងនេះ ដែលមានរយៈពេលជាច្រើនឆ្នាំ ឬសូម្បីតែរាប់ទសវត្សរ៍មកហើយ»។
លោកបានបន្តដោយនិយាយសំដៅទៅលើស្ថានភាពនៅមជ្ឈិមបូព៌ាថា៖ «ប្រសិនបើយើងជោគជ័យនូវអ្វីគ្រប់យ៉ាង ដែល លោក ដូណាល់ ត្រាំ បានព្យាយាមនោះ[…] វានឹងក្លាយជាព្រឹត្តិការណ៍ប្រវត្តិសាស្ត្រមួយមិនខាត»។
លើសពីនេះ «ក្រុមប្រឹក្សាសន្តិភាព» ដែលត្រូវបានគេរំពឹងថានឹងអនុវត្តផែនការ ២០ចំណុចរបស់ លោក ត្រាំ ដើម្បីបញ្ចប់សង្រ្គាមអ៊ីស្រាអែលនៅលើតំបន់ហ្គាហ្សា គឺជារចនាសម្ព័ន្ធគ្រប់គ្រងបីថ្នាក់ ដែលមានតំណាងមកពីជុំវិញពិភពលោករួមទាំងសហរដ្ឋអាមេរិក អឺរ៉ុប និងបណ្តាប្រទេសអារ៉ាប់៕
ប្រែសម្រួល៖ ណឺ មិនា
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ