ព័ត៌មានអន្ដរជាតិ

អាមេរិកត្រៀមដកកងកម្លាំង និងធនធានចេញពីអង្គភាព NATO

បានផុស

៣ ខែ មុន

នៅ

ថ្ងៃពុធ ២១ មករា ២០២៦

ដោយ

សហរដ្ឋអាមេរិកគ្រោងនឹងកាត់បន្ថយចំនួនកងកម្លាំង ដែលបានឈរជើងនៅក្នុងមជ្ឈមណ្ឌលបញ្ជាការសំខាន់ៗរបស់អង្គការណាតូ (NATO) ជាវិធានការមួយអាចបង្កើនការព្រួយបារម្ភនៅក្នុងទ្វីបអឺរ៉ុប អំពីការប្តេជ្ញាចិត្តរបស់ទីក្រុងវ៉ាស៊ីនតោនចំពោះសម្ព័ន្ធភាព។ យោងការផ្សាយរបស់ Arab News។

ប្រភពដែលសុំមិនបញ្ចេញឈ្មោះដើម្បីពិភាក្សាពីការសន្ទនាការទូតឯកជនបាននិយាយថា៖«ជាផ្នែកមួយនៃការផ្លាស់ប្តូរ រដ្ឋបាលប្រធានាធិបតី ដូណាល់ ត្រាំ បានទាក់ទងទៅបណ្តាលរដ្ឋមួយចំនួននៅអឺរ៉ុប ដោយបញ្ជាក់ជំហរថា សហរដ្ឋអាមេរិកនឹងលុបចោលទីតាំងឈរជើងប្រហែល ២០០ របស់កងទ័ពអាមេរិក ពីអង្គភាពណាតូ ដែលបានត្រួតពិនិត្យរួច ជាពិសេសនឹងមានការរៀបចំផែនការប្រតិបត្តិការយោធា»។

តាមការផ្សាយរបស់សារព័ត៌មាន ARAB NEWS, ប្រភពដដែល បានឱ្យដឹងថា ក្នុងចំណោមនោះ អង្គភាពនឹងត្រូវរងការប៉ះពាល់ គឺមជ្ឈមណ្ឌលស៊ើបការណ៍សម្ងាត់ណាតូ ដែលមានមូលដ្ឋាននៅចក្រភពអង់គ្លេស និងទីបញ្ជាការកងកម្លាំងប្រតិបត្តិការពិសេសសម្ព័ន្ធមិត្តនៅទីក្រុងប្រ៊ុចសែល។

ប្រភពបានបន្តទៀតថា៖ «នាវា STRIKFORNATO ដែលមានមូលដ្ឋាននៅព័រទុយហ្គាល់ គ្រប់គ្រងប្រតិបត្តិការក្នុងដែនសមុទ្រមួយចំនួន ក៏នឹងត្រូវកាត់បន្ថយផងដែរ ក៏ដូចជាអង្គភាពមួយចំនួនទៀត ដែលស្រដៀគ្នានឹង NATO»។

ប្រភពមិនបានបញ្ជាក់ពីមូលហេតុដែលអាមេរិកសម្រេចចិត្តកាត់បន្ថយចំនួនកងកម្លាំងចេញពីអង្គភាព NATO នោះទេ ប៉ុន្តែការផ្លាស់ប្តូរនេះមានលក្ខណៈទូលំទូលាយជាមួយនឹងចេតនារបស់រដ្ឋបាល លោក ដូណាល់ ត្រាំ ក្នុងការដកធនធានបន្ថែមទៀតទៅកាន់តំបន់ Western Hemisphere ដែលគ្របដណ្តាបនៅតំបន់ទ្វិបអាមេរិកទាំងមូល។

ទោះបីយ៉ាងណា ក្នុងប៉ុន្មានសប្តាហ៍ថ្មីៗនេះ រដ្ឋបាលរបស់លោក ដូណាល់ ត្រាំ បានធ្វើការព្រមានជាថ្មីម្តងទៀត ចំពោះបណ្តាប្រទេសទូទាំងអឺរ៉ុប។

មិនតែប៉ុណ្ណោះ កាលពីដើមខែធ្នូ មន្ត្រីមន្ទីរបញ្ចកោណ (Pentagon) បានប្រាប់ក្រុមអ្នកការទូតថា៖«សហរដ្ឋអាមេរិកចង់ឱ្យអឺរ៉ុបទទួលរ៉ាប់រងលើសមត្ថភាពការពារជាតិរបស់អង្គការណាតូ (NATO) ចាប់តាំងពីកិច្ចការចារកម្ម រហូតដល់គ្រាប់មីស៊ីល ត្រឹមឆ្នាំ២០២៧ ជាកំហិត ពេលវេលាមួយដែលមន្ត្រីអឺរ៉ុបយល់ថាមិនអាចទៅរួចឡើយ»។

គួរឱ្យដឹងផងដែរថា នៅក្នុងសប្តាហ៍ដំបូងនៃឆ្នាំ២០២៦ លោក ត្រាំ បានដាក់គោលដៅក្នុងយុទ្ធនាការដ៏យូរអង្វែងរបស់លោក ដើម្បីទទួលបានកោះ Greenland ដែលជាទឹកដីរបស់ប្រទេសដាណឺម៉ាក។

ការណ៍នេះធ្វើឱ្យមន្ត្រីនៅទីក្រុង Copenhagen របស់ប្រទេសដាណឺម៉ាក និងទូទាំងទ្វីបអឺរ៉ុប ខឹងសម្បារដែលពួកគេភាគច្រើនជឿថា វាការឈ្លានពានទឹកដី និងរកមធ្យោបាយដើម្បីបញ្ជប់សម្ព័ន្ធភាពនៃអង្គភាពណាតូ។

ដោយឡែក កាលពីចុងសប្តាហ៍កន្លងទៅនេះ លោក ដូណាល់ ត្រាំ បានលើកឡើងថា លោកនឹងដាក់សម្ពាធលើប្រទេសមួយចំនួនរបស់អង្គការណាតូ ជាមួយនឹងពន្ធគយ ចាប់ពីថ្ងៃទី១ខែកុម្ភៈ ដោយសារការគាំទ្ររបស់ពួកគេលើអធិបតេយ្យភាពរបស់ដាណឺម៉ាក៕

ប្រែសម្រួល៖ ណឺ មិនា