ព័ត៌មានជាតិ

គិតត្រឹមថ្ងៃទី២០មេសា ខេត្តស្វាយរៀង យកសំណាកមនុស្សជាង៤ពាន់នាក់

បានផុស

៥ years មុន

នៅ

ថ្ងៃពុធ ២១ មេសា ២០២១

ដោយ

លោកបណ្ឌិត កែរ រដ្ឋា ប្រធានមន្ទីរពេទ្យខេត្តស្វាយរៀង បានឲ្យដឹងនៅព្រឹកថ្ងៃទី២១មេសានេះថា គិតត្រឹមថ្ងៃទី២០ ខែមេសា ឆ្នាំ២០២១ ក្រុមគ្រូពេទ្យនៃមន្ទីរសុខាភិបាលខេត្តស្វាយរៀង បានយកសំណាក់ពីអ្នកពាក់ព័ន្ធផ្ទាល់និងប្រយោលទាន់និងព្រឹត្តិការណ៍សហគមន៍២០កុម្ភៈប្រមាណជាង៤ពាន់នាក់ ទៅធ្វើតេស្តរកជំងឺកូវីដ១៩ ក្នុងនោះមានសំណាកជាង៣០០នាក់ រកឃើញមានវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត បានបន្តថា ក្នុងចំណោមសំណាកជាង៤ពាន់នាក់ ក្នុងនោះយកសំណាកលើកទី១ សរុបចំនួន២២៩៤នាក់ ស្រី៨៣៩នាក់។ យកសំណាកលើកទី២សរុបចំនួន១៧២៦នាក់ ស្រី ៦៥០នាក់។ យកសំណាកលើកទី៣ សរុបចំនួន១៦នាក់ ស្រី៩នាក់និងយកសំណាកតាមដានអ្នកជំងឺសម្រាកពេទ្យបានចំនួន៤៨នាក់ ស្រី២១នាក់។ លោកបណ្ឌិត បានបន្តទៀតថា គិតត្រឹមថ្ងៃទី២០មេសានេះ ខេត្តស្វាយរៀង មានអ្នកឆ្លងជំងឺកូវីដ១៩ ក្នុងព្រឹត្តិការណ៍សហគមន៍សរុប ៣០៧នាក់ស្រី១២៤នាក់ ក្នុងនោះជនជាតិខ្មែរចំនួន២៧២នាក់ និងជនជាតិបរទេសមានចំនួន៣៦នាក់និងមានអ្នកជំងឺជាសះស្បើយសរុបចំនួន៩១នាក់ ស្រី៣៩នាក់និងមានអ្នកជំងឺជាស្ត្រី១នាក់ស្រី។

លោកបណ្ឌិត កែរ រដ្ឋា បានបញ្ជាក់ថា អ្នកជំងឺទាំងនោះ ត្រូវបានក្រុមគ្រូពេទ្យបញ្ជូនទៅព្យាបាលនៅមន្ទីរពេទ្យបង្អែក ស្វាយជ្រំ មន្ទីរពេទ្យ បង្អែក សាមគ្គី រំដួលនិងមណ្ឌលព្យាបាលកូវីដ-១៩ក្រុងបាវិត។ លោកបណ្ឌិតបានឲ្យដឹងទៀតថា ចំពោះ ក្រុមគ្រូពេទ្យព្យាបាល នៅក្នុងមណ្ឌលព្យាបាលក្រុងបាវិតនេះ មន្ទីរសុខាភិបាលបានចល័តពីមន្ទីរពេទ្យផ្សេងៗ ក្នុងខេត្តមកជួយដោយប្តូរវេនវិលជុំ១៤ថ្ងៃម្តង៕

អត្ថបទ៖ សំអឿន

សូមចុចអាន៖ បិទខ្ទប់ភូមិជ្រោងស្តៅ រកឃើញអ្នកវិជ្ជមានកូវីដ១៩ ប៉ះពាល់ជាមួយមនុស្សច្រើននាក់

Related Topics:កូវីដ-១៩ យកសំណាក

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា