នាយករដ្ឋមន្ត្រី ជប៉ុន រំលាយសភាថ្ងៃនេះ ក្រោយកាន់តំណែងត្រឹមតែ៣ ខែប៉ុណ្ណោះ

នាយករដ្ឋមន្ត្រីជប៉ុន Sanae Takaichi ត្រៀមនឹងរំលាយសភាជាន់ទាបក្នុងថ្ងៃសុក្រនេះ ដោយបើកផ្លូវសម្រាប់ការបោះឆ្នោតមុនកាលកំណត់ នៅថ្ងៃទី ៨ ខែកុម្ភៈ ឆ្នាំ២០២៦ បន្ទាប់ពីលោកស្រីកាន់តំណែងត្រឹមតែ៣ ខែប៉ុណ្ណោះ។ នោះបើយោងតាមការចុះផ្សាយពីទីភ្នាក់ងារ KJD ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ការរំលាយសភាពភ្លាមៗនេះ ត្រូវបានគេមើលឃើញយ៉ាងទូលំទូលាយថា ជាការប៉ុនប៉ងទាញយកអត្ថប្រយោជន៍ពីប្រជាប្រិយភាពរបស់លោកស្រី ដើម្បីជួយគណបក្សកាន់អំណាចឲ្យទទួលបានជ័យជម្នះឡើងវិញ បន្ទាប់ពីការខាតបង់ធំៗក្នុងរយៈពេលប៉ុន្មានឆ្នាំចុងក្រោយនេះ។

លោកស្រី Takaichi បានជាប់ឆ្នោតក្នុងខែតុលា ឆ្នាំ ២០២៥ ក្លាយជាមេដឹកនាំស្ត្រីដំបូងរបស់ជប៉ុន ដោយកាន់តំណែងបានត្រឹមតែបីខែប៉ុណ្ណោះ ប៉ុន្តែទទួលបានការវាយតម្លៃយ៉ាងខ្លាំងពោលគឺ ៧០ ភាគរយឯណោះ។ ចលនារបស់មេដឹកនាំរូបនេះ នៅក្នុងការរំលាយសភានឹងពន្យារពេលការបោះឆ្នោតលើថវិកាដែលមានគោលបំណងជំរុញសេដ្ឋកិច្ចដែលកំពុងជួបការលំបាក និងដោះស្រាយតម្លៃទំនិញដែលកើនឡើងផងដែរ។

ការរំលាយសភាជាន់ទាបដែលមានសមាជិក ៤៦៥ រូប នឹងត្រូវប្រកាសដោយលោក Fukushiro Nukaga ប្រធានសភា នៅក្នុងសម័យប្រជុំបើកនៅថ្ងៃសុក្រនេះ ដោយត្រួសត្រាយផ្លូវសម្រាប់យុទ្ធនាការរយៈពេល ១២ ថ្ងៃ ដែលចាប់ផ្តើមជាផ្លូវការនៅថ្ងៃអង្គារ។

ចំពោះផែនការរបស់ Takaichi សម្រាប់ការបោះឆ្នោតមុនកាលកំណត់ មានគោលបំណងទាញយកអត្ថប្រយោជន៍ពីប្រជាប្រិយភាពរបស់លោកស្រី ដើម្បីពង្រីកសំឡេងភាគច្រើននៅក្នុងសភាជាន់ទាប។ មិនតែប៉ុណ្ណោះ គណបក្សប្រជាធិបតេយ្យសេរី (LDP) ដែលមានរឿងអាស្រូវ និងសម្ព័ន្ធភាពរបស់ខ្លួន មានសំឡេងភាគច្រើនតិចតួចនៅក្នុងសភាជាន់ទាបដ៏មានឥទ្ធិពលជាង បន្ទាប់ពីការចាញ់ឆ្នោតនៅឆ្នាំ ២០២៤។ សម្ព័ន្ធភាពនេះមិនមានសំឡេងភាគច្រើននៅក្នុងសភាជាន់ខ្ពស់ទេ ហើយពឹងផ្អែកលើការឈ្នះសំឡេងឆ្នោតពីសមាជិកគណបក្សប្រឆាំង ដើម្បីអនុម័តរបៀបវារៈរបស់ខ្លួន។ ចំណែកឯ អ្នកបោះឆ្នោត LDP ជាច្រើនបានផ្លាស់ប្តូរទៅរកគណបក្សប្រឆាំងប្រជានិយមស្តាំនិយម ដែលកំពុងលេចចេញ ដូចជាគណបក្សប្រឆាំងសកលលោក Sanseito ជាដើម។

ទន្ទឹមនឹងនេះ ជប៉ុនក៏កំពុងតែប្រឈមមុខនឹងភាពតានតឹងកាន់តែខ្លាំងឡើងជាមួយចិន បន្ទាប់ពីលោកស្រី Takaichi បានថ្លែងសុន្ទរកថា នឹងគាំទ្រតៃវ៉ាន់នៃផ្នែកយោធា រហូតធ្វើឲ្យភាគីទីក្រុងប៉េកាំងបង្កើនភាពក្តៅគគុក និងសងសឹកផ្នែកសេដ្ឋកិច្ច និងការទូត ស្របពេលដែលលោក ដូណាល់ ត្រាំ ចង់ឲ្យលោកស្រីចំណាយកាន់តែច្រើនលើអាវុធ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តើការរំលាយ​សភា​ ធ្វើឲ្យ​នយោបាយ​ការបរទេសជប៉ុនចុះខ្សោយ ឬគេចវេស​ពី​វិបត្តិនយោបាយសកល​?