ព័ត៌មានអន្ដរជាតិ

ភ្លើងឆេះព្រៃនៅអូស្ត្រាលីកំពុងបន្ត ក្រុមអ្នកពន្លត់អគ្គិភ័យ ព្រមានពលរដ្ឋឱ្យជម្លៀសបន្ទាន់

បានផុស

៥ ខែ មុន

នៅ

ថ្ងៃពុធ ២៨ មករា ២០២៦

ដោយ

ក្រុមអ្នកពន្លត់អគ្គិភ័យនៅក្នុងរដ្ឋ Victoria នៃប្រទេសអូស្ត្រាលី កំពុងប្រយុទ្ធនឹងភ្លើងឆេះដ៏ធំចំនួន៦ទីតាំងផ្សេងៗគ្នា ខណៈដែលរលកកម្តៅបំបែកកំណត់ត្រា ក្នុងការវាយប្រហារភាគអាគ្នេយ៍ប្រទេសកាន់តែធ្ងន់ធ្ងរ។

ភ្លើងឆេះព្រៃនៅអូស្រ្តាលី ឆ្នាំ ២០១៩។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្សាយរបស់ទូរទស្សន៍ក្នុងស្រុក ABC News ឱ្យដឹងថា៖«អគ្គិភ័យចំនួនពីរកន្លែងកំពុងឆេះដល់កម្រិតប្រកាសអាសន្ន។ ប្រជាជនក្នុងសហគមន៍ជាច្រើនត្រូវ អាជ្ញាធរព្រមានឱ្យជម្លៀសចេញជាបន្ទាន់ដើម្បីសុវត្ថិភាព។ ស្ថានការណ៍កំពុងមានការប្រែប្រួលយ៉ាងឆាប់រហ័ស»។

ការិយាល័យឧតុនិយមបានឱ្យដឹងថាផ្នែកខ្លះនៃរដ្ឋ ឱ្យដឹងថា សីតុណ្ហភាពហក់ឡើងខ្ពស់គ្រប់ពេលវេលា ដោយតំបន់ខ្លះឡើងដល់កម្រិត ៤៨.៩ °C ចំណែកទីក្រុងមែលប៊ន [Melbourne] បានកត់ត្រាសីតុណ្ហភាព ៤១°C ។

លោក Chris Hardman ប្រធានផ្នែកពន្លត់អគ្គិភ័យនៅរដ្ឋ Victoria [Forest Fire Management Victoria] បានប្រាប់អ្នកសារព័ត៌មានថា៖ « ស្ថានភាពកម្តៅក្នុងរដ្ឋកំពុងមានលក្ខខណ្ឌពិបាកស្មាន សម្រាប់អ្នកពន្លត់អគ្គិភ័យ»។

ចំណែកអគ្គិភ័យចំនួនពីរ នៅតំបន់ Camperdown និង Otways កំពុងឆេះក្នុងកម្រិតសង្គ្រោះបន្ទាន់។ ភ្លើងថ្មី ឆាបឆេះនៅតំបន់ Larralea ក៏កំពុងតែបង្កឱ្យមានការព្រួយបារម្ភយ៉ាងខ្លាំង។

ប្រធានអាជ្ញាធរអគ្គិភ័យប្រចាំប្រទេស (CFA) លោក Jason Heffernan បានប្រាប់វិទ្យុ ABC ថា៖«មានគ្រោះថ្នាក់ដែលភ្លើងឆេះនៅតំបន់ Otways អាចបង្កើតជាភ្លើងរូបរាងផ្កាឈូក អាចបង្កើតភ្លើងបន្ថែមទៀតនៅពីមុខភ្លើងធំ» ។

ចំណែក លោក Alistair Drayton អនុប្រធានគ្រប់គ្រងឧប្បត្តិហេតុរបស់ប្រទេសអូស្ត្រាលី បាននិយាយថា៖ «វាមិនច្បាស់ថា ការខូចខាតបណ្តាលមកពីភ្លើងអ្វីនោះទេ។ ចំណែកភស្តុតាងវាអាថ៌កំបាំងពេក ដែលមានផ្ទះមួយចំនួនឆេះអស់»។

ក្រៅពីរដ្ឋ Victoria ជាកន្លែងដែលមានការហាមឃាត់ភ្លើងឆេះទាំងស្រុង អូស្ត្រាលីខាងត្បូងក៏ត្រូវបានដាក់ឱ្យស្ថិតក្រោមការប្រុងប្រយ័ត្ន ចំពោះហានិភ័យភ្លើងឆេះខ្លាំងផងដែរ។

មិនតែប៉ុណ្ណោះ មន្ត្រីសុខាភិបាលតំបន់ Meanhwile ព្រមានថា កម្តៅដែលអូសបន្លាយយូរ នាំមកនូវហានិភ័យចំពោះសុខភាពយ៉ាងខ្លាំង។

ប្រធានមន្ត្រីសុខាភិបាល Victoria លោកស្រី Caroline McElnay បានប្រាប់អ្នកយកព័ត៌មានថា៖ « មនុស្សចាស់ កុមារ និងមនុស្សដែលមានស្ថានភាពសុខភាពស្រាប់ គឺមានគ្រោះថ្នាក់បំផុត»។ វាអាចបណ្តាលឱ្យមានបញ្ហាសុខភាពដែលអាចបណ្តាលឱ្យស្លាប់ ដូចជាការហត់នឿយនឹងកម្តៅ និងអាចកើតជំងឺដាច់សរសៃឈាមខួរក្បាល ប៉ុន្តែវាក៏អាចបង្កឱ្យមានការគាំងបេះដូង ឬដាច់សរសៃឈាមខួរក្បាលផងដែរ»។

អ្នកវិទ្យាសាស្ត្រលើកឡើងថា៖ «ច្បាស់ណាស់ការប្រែប្រួលអាកាសធាតុដែលបង្កឡើងដោយមនុស្ស កំពុងធ្វើឱ្យរលកកម្តៅកាន់តែមានការកើនឡើង និងកាន់តែខ្លាំងនៅទូទាំងពិភពលោក»៕

ប្រែសម្រួល៖ ណឺ មិនា