កីឡា
ទស្សនាការប្រកួត រវាង ព្រះខ័នរាជស្វាយរៀង និង ភ្នំពេញក្រោន លើសពីបាល់ទាត់ថ្ងៃព្រហស្បតិ៍នេះ
ក្រុមបាល់ទាត់ ព្រះខ័នរាជស្វាយរៀង នឹងបើកទ្វារពហុកីឡដ្ឋានជាតិមរតកតេជោ វេលាម៉ោង ៧ យប់ ថ្ងៃទី១២ ខែមីនា ឆ្នាំ ២០២៦ ដើម្បីទទួលក្រុម ភ្នំពេញក្រោន សម្រាប់ការប្រកួតជើងទី ២ វគ្គ ៨ ក្រុមចុងក្រោយ ពានរង្វាន់ AFC Challenge League ។
ការប្រកួតនឹងជក់ចិត្តដិតអារម្មណ៍តាមរយៈការខិតខំប្រឹងប្រែងរបស់ ភ្នំពេញក្រោន ដើម្បីវាយបកយកឈ្នះ ព្រះខ័នរាជស្វាយរៀង បន្ទាប់ពីជើងទី១ បានចាញ់ដោយលទ្ធផល ១-៤ កាលពីថ្ងៃទី៥ ខែមីនា ឆ្នាំ ២០២៦ ក្រោមក្រសែភ្នែកអ្នកទស្សនាផ្ទាល់ជាង ២ ម៉ឺននាក់ នៅពហុកីឡដ្ឋានជាតិអូឡាំពិក។
ការប្រកួតជើងទី២ នេះ អ្នកទស្សនាផ្ទាល់នឹងទទួលបានចំណីចក្ខុលើសពីបាល់ទាត់។ ក្រុមម្ចាស់ផ្ទះបានរៀបចំកម្មវិធីពិសេសៗបន្ថែមទៀត។ ក្លិបបានប្រកាសរួចហើយថា នឹងមានរៀបចំការបាញ់កាំជ្រួចពណ៌ផ្សែង (Color Smoke Fireworks) ដើម្បីអបអរសាទរដល់ព្រឹត្តិការណ៍បាល់ទាត់អន្តរជាតិនៅលើទឹកដីកម្ពុជា។
បន្ទាប់ពីចប់វគ្គទី១ អ្នកគាំទ្រនឹងបានទស្សនាកម្សាន្តជាមួយតារាចម្រៀង ចេន ដែលនឹងច្រៀងជូនបងប្អូនទស្សនាសម្រាប់បទចម្រៀងល្បីៗរបស់ខ្លួន ព្រមទាំងសប្បាយរីករាយជាមួយចង្វាក់ EDM ពីឌីជេ Jaybee។
កាលពីជើងទី១ គ្រាប់បាល់ចំនួន ៥ គ្រាប់កើតឡើងនៅក្រោមក្រសែភ្នែកអ្នកទស្សនាផ្ទាល់ចំនួន ២០២៤៩ នាក់ ដែលស្ថិតនៅចំណាត់ថ្នាក់លេខ ២ នៃចំនួនអ្នកទស្សនាផ្ទាល់ច្រើនបំផុតក្នុងវគ្គ ៨ ក្រុមចុងក្រោយ ពានរង្វាន់ AFC Challenge League នេះ។ លំដាប់លេខ ១ គឺ ចំនួន ២៥ ៤៩៧ នាក់ នៅពេល ក្រុម East Bengal ប្រកួតជាមួយ Arkadag នៅប្រទេសឥណ្ឌាកាលពីឆ្នាំ ២០២៥។
ដូច្នេះការចូលរួមទស្សនាផ្ទាល់របស់អ្នកគាំទ្រពិតជាសំខាន់ណាស់ក្នុងការរួមចំណែកជួយធ្វើឲ្យកីឡាបាល់ទាត់កម្ពុជាមានកេរ្តិ៍ឈ្មោះសំឡេងល្បីល្បាញលើឆាកអន្តរជាតិទាំងសមិទ្ធផលនៃការប្រកួតរបស់ក្រុម និងសន្ទុះអ្នកគាំទ្រ។
តើ ភ្នំពេញក្រោន អាចវាយបកយកឈ្នះ ព្រះខ័នរាជស្វាយរៀង បានទេសម្រាប់ជើងទី ២ ? ចម្លើយគឺថា វាមិនមែនជាការងាយស្រួលទេសម្រាប់ ភ្នំពេញក្រោន ពីព្រោះ ព្រះខ័នរាជស្វាយរៀង ជាក្រុមល្អការពារនៅក្នុងរដូវកាលនេះដែលមិនទាន់មានក្រុមណាអាចស៊ុតចូលពួកគេលើសពី ៣ គ្រាប់ឡើយ។ ទោះបីជាយ៉ាងណា អ្វីៗក៏អាចកើតឡើងដែរ៕
អត្ថបទ៖ វិរបុត្រ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង