កីឡា

ផ្លូវការ! ពាន FIFA ASEAN CUP សម្រាប់តំបន់អាស៊ាន ចាប់ប្រកួតឆ្នាំនេះ

បានផុស

១ ខែ មុន

នៅ

ថ្ងៃសុក្រ ២០ មីនា ២០២៦

ដោយ

សហព័ន្ធកីឡាបាល់ទាត់អន្តរជាតិ (FIFA) បានអនុម័តពានរង្វាន់ថ្មីសម្រាប់តំបន់អាស៊ានគឺ FIFA ASEAN Cup ដើម្បីជួយជំរុញ និងអភិវឌ្ឍកីឡាបាល់ទាត់នៅក្នុងតំបន់អាស៊ីអាគ្នេយ៍ឲ្យកាន់តែផុលផុស។

តាមការគ្រោងទុក ពានរង្វាន់ FIFA Asean Cup នឹងត្រូវរៀបចំការប្រកួតនៅថ្ងៃ FIFA Day ដែលលើកទី១ នឹងប្រកួតចន្លោះខែកញ្ញា និង តុលា ឆ្នាំ ២០២៦ ដែលមានក្រុមបាល់ទាត់ជម្រើសជាតិទាំង ១១ ចូលរួមប្រកួតគឺ កម្ពុជា វៀតណាម ឥណ្ឌូណេស៊ី ហ្វីលីពីន ម៉ាឡេស៊ី សិង្ហបុរី មីយ៉ាន់ម៉ា ទីម័រខាងកើត ឡាវ ព្រុយណេ និង ថៃ។

ពានរង្វាន់ FIFA Asean Cup បានចាប់ផ្តើមបដិសន្ធិឡើង បន្ទាប់ពីសមាគមប្រជាជាតិអាស៊ីអាគ្នេយ៍ និង FIFA បានចុះអនុស្សរណៈនៃការយោគយល់គ្នាកាលពីថ្ងៃទី ២៦ ខែតុលា ឆ្នាំ ២០២៥ ដោយលោក កៅ គឹមហ៊ួន ជាអគ្គលេខាធិការអាស៊ាន និងលោក Gianni Infantino ប្រធាន FIFA ក្នុងកិច្ចប្រជុំកំពូលអាស៊ាន។

តាមពិតទៅ គំនិតផ្តួចផ្តើមពានរង្វាន់ FIFA ASEAN Cup នេះបានកើតឡើងតាំងពីឆ្នាំ ២០១៩ នៅពេលលោក Infantino បានចុះកិច្ចព្រមព្រៀងជាមួយអាស៊ានដើម្បីជំរុញអភិវឌ្ឍកីឡាបាល់ទាត់នៅតំបន់អាស៊ាន ក្នុងនោះមានទាំងការបង្កើតសាលាបាល់ទាត់ និងសកម្មភាពបាល់ទាត់នៅតាមបណ្តាប្រទេសអាស៊ាននានា។

គោលបំណងសំខាន់នៃពានរង្វាន់ FIFA ASEAN Cup គឺជំរុញវិស័យកីឡាបាល់ទាត់នៅតំបន់អាស៊ានឲ្យរីកចម្រើន ជាក្រុមជម្រើសជាតិទាំង ១១ ប្រទេស។ ការប្រកួតកម្រិតស្តង់ដាទាំងកីឡាករ គ្រូបង្វឹក ហេដ្ឋារចនាសម្ព័ន្ធ និងអ្នកគាំទ្រ ព្រមទាំងជំរុញការរួបរួមសាមគ្គីតាមរយៈកីឡា។

រូបមន្តនៃការប្រកួត ក្រុមដែលមានចំណាត់ថ្នាក់ FIFA ខ្ពស់ឡើងទៅវគ្គសន្សំពិន្ទុក្នុងពូល ខណៈក្រុមចំណាត់ថ្នាក់ទាបជាងគេប្រកួតជម្រុះបឋម។ នៅវគ្គសន្សំពិន្ទុក្នុងពូល ក្រុមលេខ ១ និងលេខ ២ នៃពូលនីមួយៗ ឡើងទៅកាន់វគ្គពាក់កណ្តាលផ្តាច់ព្រ័ត្រ ហើយការប្រកួតវគ្គ ៤ ក្រុមអាចប្រកួតតែ១ជើងប៉ុណ្ណោះ៕