ការស្ទង់មតិ៖ ប្រជាជនថៃ កាន់តែច្រើន លែងទុកចិត្តការដឹកនាំរបស់ អានុទីន

ដ្បិតតែពិភពលោកទាំងមូល កំពុងមានវិបត្តិ ហើយប្រទេសនានាត្រូវដោះស្រាយបញ្ហារៀងៗខ្លួនក៏ដោយ ប៉ុន្តែនៅថៃ ប្រជាជនកាន់តែច្រើនកំពុងបង្ហាញក្តីមិនពេញចិត្តចំពោះការដឹកនាំរបស់លោក អានុទីន ឆាន់វីរៈគុល ជាពិសេសជុំវិញការដោះស្រាយដ៏អន់ របស់រដ្ឋាភិបាលថ្មីនេះតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Bangkok Post កាលពីថ្ងៃអាទិត្យទី៥ខែមេសាឆ្នាំ២០២៦ ប្រជាជនថៃកាន់តែច្រើនឡើងៗទៅហើយ ដែលនិយាយថា ទោះកំពុងមានវិបត្តិតែពួកគេ គ្មានយោគយល់អ្វីទេ ចំពោះរដ្ឋាភិបាលថ្មីនេះ ដោយការស្ទង់មតិមួយបង្ហាញថា ក្នុងចំណោមអ្នកឆ្លើយសំណួរ ១ ៣១០នាក់ទូទាំងប្រទេស គឺមាន ៤៧% អះអាងថា ពួកគេអត់អាណិតគណៈរដ្ឋមន្ត្រីនេះសោះឡើយ។

ការស្ទង់មតិនេះធ្វើឡើងដោយវិទ្យាស្ថានជាតិរដ្ឋបាលអភិវឌ្ឍន៍ (Nida) កាលពីសប្តាហ៍មុន ពោលគឺចន្លោះថ្ងៃអង្គារដល់ថ្ងៃពុធ ហើយលទ្ធផលចុងក្រោយបង្ហាញថា មានប្រជាជនថៃ ច្រើនជាងមុន ដែលអត់ពេញចិត្តនឹងការដឹកនាំរបស់ អានុទីន។

អ្វីដែលគួរឲ្យចាប់អារម្មណ៍ទៀតនោះគឺថា អ្នកឆ្លើយសំណួរភាគច្រើនបង្ហាញការមិនទុកចិត្តលើរដ្ឋមន្ត្រីសំខាន់ៗចំនួន ៣ រូបដូចជា៖

🛑រដ្ឋមន្ត្រីក្រសួងហិរញ្ញវត្ថុ លោក Ekniti Nitithanprapas (៧៧% មានជំនឿចិត្តតិចតួច ឬគ្មានទាល់តែសោះ)។

🛑រដ្ឋមន្ត្រីក្រសួងពាណិជ្ជកម្ម លោកស្រី Suphajee Suthumpun (៦៣% បង្ហាញការមិនទុកចិត្ត)។

🛑រដ្ឋមន្ត្រីក្រសួងការបរទេស លោក Sihasak Phuangketkeow (៦០% បង្ហាញការមិនទុកចិត្ត)៕

អត្ថបទ៖ សុខ សុវណ្ណ