កីឡា

សមត្ថភាពនៅតែល្អ ឈាវ បូរ៉ា និងកូនប្រុស នឹងបង្ហាញមុខនៅការប្រកួតអុកចត្រង្គនគរសង្ក្រាន្ត ២០២៦

បានផុស

២ ខែ មុន

នៅ

ថ្ងៃអង្គារ ៧ មេសា ២០២៦

ដោយ

កីឡាករអុកចត្រង្គជើងចាស់ ឈាវ បូរ៉ា នឹងដឹកដៃកូនប្រុសបង្កើតទៅចូលរួមការប្រកួតពានរង្វាន់នគរសង្ក្រាន្ត ឆ្នាំ២០២៦ ដែលនឹងធ្វើឡើងនៅថ្ងៃទី១៤ ដល់ ១៩ ខែមេសា ឆ្នាំ២០២៦ នេះនៅទីតាំងផ្សាររាត្រី រាជធានីភ្នំពេញ ជាការអបអរព្រះរាជពិធីបុណ្យចូលឆ្នាំប្រពៃណីខ្មែរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឈាវ បូរ៉ា

កីឡាករ ឈាវ បូរ៉ា បានឲ្យដឹងថា រូបលោក និងកូនប្រុសឈ្មោះ ឈាវ បូរិន្ទ ទាំងពីរនាក់បានប្រកួតជាប់វគ្គជម្រុះជើងឯកកុមារ អាយុក្រោម ១៤ឆ្នាំ និងមហាជន ដែលបានធ្វើឡើងអំឡុងថ្ងៃទី២៥ ដល់ ២៩ ខែមីនា ឆ្នាំ២០២៦ នេះនៅទីតាំងគណៈកម្មាធិការជាតិអូឡាំពិកកម្ពុជា។

ឈាវ បូរិន្ទ អំឡុងការប្រកួត

ជើងខ្លាំងខាងផ្នែកអុករូបនេះបន្ថែមទៀតថា ការប្រកួតពានរង្វាន់ នគរសង្ក្រាន្ត នៅផ្សារត្រីឆ្នាំនេះលោកមិនទាន់ដឹងថាសហព័ន្ធប្រកួតតាមរូបមន្តយ៉ាងណានោះទេ។ ចំពោះការត្រៀមខ្លួន និងក្ដីសង្ឃឹមនោះរូបលោកមិនសូវចង់លើកឡើងច្រើនមុនប្រកួតនោះឡើយ ពោលរង់ចាំការប្រកួតមកដល់ជាក់ស្ដែង។ យ៉ាងណាចំពោះកូនប្រុសវិញរូបគេបានប្ដេជ្ញាចិត្តថានឹងដណ្ដើមយកលេខ១ ឲ្យបានក្នុងការប្រកួតថ្ងៃទី១៤ មេសា ខាងមុខនេះ។

ឈាវ បូរិន្ទ និងបេក្ខភាព៣រូបផ្សេងទៀត

បញ្ជាក់ដែរថា សហព័ន្ធកីឡាអុកចត្រង្គកម្ពុជា (COF) នឹងរៀបចំការប្រកួតពានរង្វាន់នគរសង្ក្រាន្ត នៅថ្ងៃទី១៤ ដល់ ១៩ ខែមេសា ឆ្នាំ២០២៦ នេះនៅផ្សារត្រី រាជធានីភ្នំពេញ។ ប្រសិនបើមហាជនអ្នកស្រឡាញ់ចូលចិត្ត និងចង់ទស្សនាការប្រកួតផ្ទាល់អាចអញ្ជើញទៅគាំទ្រនៅទីតាំងដែលបានជម្រាបជូន៕