កីឡា

កីឡដ្ឋាន Rizal អាយុជិត ១០០ ឆ្នាំជាស្មៅជ័រ សម្រាប់ ព្រះខ័នរាជស្វាយរៀង លេងជើងទី២នៅ ហ្វីលីពីន

បានផុស

៣ ខែ មុន

នៅ

ថ្ងៃអង្គារ ៧ មេសា ២០២៦

ដោយ

កីឡដ្ឋាន Rizal Memorial ជាទីលានសម្រាប់ការប្រកួត ជើងទី២ វគ្គពាក់កណ្តាលផ្តាច់ព្រ័ត្រ ពានរង្វាន់ AFC Challenge League នៅថ្ងៃទី ១៦ ខែមេសា ឆ្នាំ ២០២៦ រវាងក្រុមម្ចាស់ផ្ទះ Manila Digger និងក្រុម ព្រះខ័នរាជស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡដ្ឋាន Rizal Memorial ត្រូវបានកសាង និងបើកដំណើរការលើកដំបូងនៅឆ្នាំ ១៩៣៤ ដែលរហូតដល់ពេលនេះមានអាយុកាល ៩២ ឆ្នាំហើយ។ កីឡដ្ឋាននេះត្រូវបានកសាងឡើងសម្រាប់ក្រុមបាល់ទាត់ជម្រើសជាតិហ្វីលីពីន និងរៀបចំព្រឹត្តិការណ៍កីឡាធំសំខាន់ទាំងថ្នាក់ជាតិ និងអន្តរជាតិ។ វាត្រូវបានជួសជុលកែលំអឡើងវិញ ចំនួន ៨ លើកមកហើយ គិតត្រឹម ឆ្នាំ ២០២៥ ប៉ុន្តែកីឡដ្ឋាននៅតែប្រើប្រាស់ស្មៅសិប្បនិម្មិតសម្រាប់ការប្រកួតផ្លូវការ។

ក្លិបបាល់ទាត់ Manila Digger មិនទាន់មានកីឡដ្ឋានផ្ទាល់ខ្លួនទៀងទាត់ទេ ដូច្នេះពួកគេបានប្រើប្រាស់កីឡដ្ឋាន Rizal Memorial ជាកន្លែងសម្រាប់ការប្រកួតផ្លូវការទាំងពានរង្វាន់ក្នុងស្រុក និងអន្តរជាតិ។ ពួកគេនឹងត្រូវទទួលក្រុមរបស់កម្ពុជាគឺ ព្រះខ័នរាជស្វាយរៀង នៅថ្ងៃទី ១៦ ខែមេសា ឆ្នាំ ២០២៦ នៅលើទីលានស្មៅជ័រនៃកីឡដ្ឋានដែលមានអាយុកាលជិត ១០០ ឆ្នាំ។

វានឹងធ្វើឲ្យមានការពិបាកដល់ក្រុម ព្រះខ័នរាជស្វាយរៀង សម្រាប់ការប្រកួតនៅលើទីលានស្មៅជ័រ ពីព្រោះក្រុមតំណាងកម្ពុជាមួយនេះមិនសូវបានលេង ក៏ដូចជាហ្វឹកហាត់ញឹកញាប់លើទីលានស្មៅសិប្បនិម្មិតឡើយ។ ព្រះខ័នរាជស្វាយរៀង ភាគច្រើនលេងនៅលើស្មៅធម្មជាតិសម្រាប់ការប្រកួតទាំងពានរង្វាន់ក្នុងស្រុក និងអន្តរជាតិ។

ផ្ទុយទៅវិញ វានឹងផ្តល់ភាពងាយស្រួលដល់ក្រុម Manila Digger ដែលលេងនៅលើស្មៅជ័រ។ ទីលានបាល់ទាត់នៅក្នុងប្រទេសហ្វីលីពីនភាគច្រើនជាស្មៅសិប្បនិម្មិត ដូច្នេះពួកគេលេងស្ទើររាល់សប្តាហ៍ សម្រាប់ការប្រកួតលីគបាល់ទះកំពូលហ្វីលីពីន៕