គួរ​ហៅ “លោកតាដំបងគ្រញូង ឬ “អ្នកតាដំបង​គ្រញូង” ទើបត្រឹមត្រូវ?

មានការលើកឡើងការ​ហៅ​ “លោកតាដំបងគ្រញួង គួរហៅ​ទៅជា “អ្នកតាដំបងគ្រញូង” វិញ ទើបត្រឹមត្រូវ?។ ការលើកឡើង​បែបនេះ​ដោយសំអាង​ថា​ លោកតាមិនសំដៅលើអមនុស្សទេ គឺសំដៅលើមនុស្សនៅមានជីវិត។

អ្នកជំនាញខាងសាសនាបានឲ្យដឹងថា ការហៅឈ្មោះ “លោកតាដំបងគ្រញូង” មិនមែនជាកំហុសរបស់ប្រជាពលរដ្ឋដែលហៅនោះឡើយ វាជាការឆកល្វែងខាងមន្ត្រីបច្ចេកទេសសាងសង់ ដែល​សរសេរដាក់ពាក្យ”​លោកតា”​ទើបទម្លាប់នៃការហៅបានប្រាសចាកពីទម្លាប់របស់ដូនតាជំនាន់ដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមយោបល់​ពីព្រឹទ្ធាចារ្យ ពុទ្ធ សំរិទ្ធ ពាក្យថា “លោកតាដំបងគ្រញូង” ជាពាក្យហៅតំណាងពីអតីតកាលតែបើប្រើក្នុងពិធីសែនព្រេនគឺត្រូវតែប្រើពាក្យ “ពិធីសែននៅរូបសំណាកអ្នកតាដំបងគ្រញូង មិនមែនទៅសែនព្រេននៅរូបសំណាកលោក​តា​ដំបងក្រញូងនោះទេ។

ពាក់ព័ន្ធការហៅនេះដែរ ​ប្រធានមន្ទីរវប្បធម៌ និងវិចិត្រសិល្ប:ខេត្តបាត់ដំបង​បានលើកឡើង​ពន្យល់អំពីរូបសំណាកមួយចំនួនដូចជា រូបសំណាកលោកតាដំបងគ្រញូង រូបសំណាកលោកតាដំបងដែក​ និងរូបសំណាកលោកយាយ​យ៉ាត។

លោកបន្ត​ថា អ្វីដែលគេហៅថា “អ្នកតា” គឺមានការពាក់ព័ន្ធទៅនឹង “ពិធីសែន” ដែលនេះគឺជាទម្រង់នៃជំនឿទៅលើអ្នកតា។ ពិធីដែលធ្វើឡើងសម្រាប់សែន​អ្នកតា រួមមាន ពិធីឡើងអ្នកតា, ពិធីហែអ្នកតា​ជាដើម។

បើតាមមន្រ្តីជំនាញរូបនេះ​ វាមានការហៅ​ខុសគ្នាបន្តិចបន្តួចរវាងលោកតានិងអ្នកតា តែលោក​បញ្ជាក់​ថា​មិនចាំបាច់កែប្រែការហៅនោះ​ទេ ព្រោះវាជាវិធីហៅនិងការគោរពប្រតិបត្តិជាក់លាក់សម្រាប់អ្នកតា៕

៕

អត្ថបទ÷សៅ សារិទ្ធ