ជីវិតកម្សាន្ដ

សូ ដានីតា រំភើបហូរទឹកភ្នែកក្រោយឃើញអ្នកជំងឺកូវីដនៅកោះពេជ្រជាង៨០០នាក់ជាសះស្បើយ

បានផុស

៥ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

តារាសម្តែងស្រី សូ ដានីតា បានបង្ហាញអារម្មណ៍រំភើបខ្លាំងបន្ទាប់ពីមានការប្រកាសមានអ្នកជំងឺកូវីដ-១៩ប្រមាណជាង៨០០នាក់ ដែលបានទៅព្យាបាលនៅកោះពេជ្របានជាសះស្បើយព្រមគ្នា។

ឃើញព័ត៌មានដ៏រំភើបនេះ តារាស្រីអ្នកនាង សូ ដានីតា បានរៀបរាប់ដោយសម្តែងអារម្មណ៍រំភើបថា រំភើបត្រេកអរណាស់ មើលឃើញវីដេអូនៃសកម្មភាពពួកគាត់ស្ទើរស្រក់ទឹកភ្នែកជំនួស ជាហើយបងប្អូន៨៣៤នាក់ក្នុងយប់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនខុសគ្នាពីតារាសម្តែង សូ ដានីតា ទេភ្លាមៗនៃដំណឹងនេះ គេឃើញមានមហាជនជាច្រើនក៏បានបង្ហាញអារម្មណ៍ចូលរួមអបអរនិងថ្លែងការអរគុណចំ ពោះក្រុមគ្រូពេទ្យខ្មែរទាំងអស់ផងដែរ។

សូមជម្រាបថា លោកស្រី ពេជ ចន្ទមុន្នី ប្រធានក្រុមប្រឹក្សាភិបាលនៃសមាគម TYDA បានឲ្យដឹងនៅព្រឹកថ្ងៃទី២៨ ខែមេសា ឆ្នាំ២០២១នេះថា អ្នកជំងឺកូវីដ-១៩ ដែលកំពុងសម្រាកព្យាបាល នៅកោះពេជ្រចំនួន៨៣៤នាក់បានជាសះស្បើយ និងអនុញ្ញាតឲ្យត្រឡប់ទៅលំនៅដ្ឋានវិញកាលពីយប់ថ្ងៃទី ២៧ ខែមេសាបន្ទាប់ពីជាសះស្បើយជំងឺកូវីដ-១៩តែក៏បន្តធ្វើចត្តាឡីស័ក១៤ថ្ងៃទៀតនៅតាមផ្ទះរៀងៗខ្លួនដើម្បីតាមដានសុខភាពផងដែរ៕

អត្ថបទ ៖ ចាន់រ៉ា