កីឡា

លោក Indra និយាយចំពោះការរៀបចំការប្រកួតតេជោលីគរបស់សហព័ន្ធបាល់ទះកម្ពុជា

បានផុស

២ ខែ មុន

នៅ

ថ្ងៃអង្គារ ១៩ ឧសភា ២០២៦

ដោយ

គ្រូបង្វឹកក្រុមបាល់ទះបញ្ជាការដ្ឋានអង្គរក្ស លោក Indra ថាការរៀបចំព្រឹត្តិការណ៍តេជោលីគ និងដំណើរការក្នុងការប្រកួតផ្ដល់ភាពយុត្តិធម៌អំឡុងការប្រកួតផ្សេងៗនោះគឺបានល្អពិសេសស្របតាមលក្ខខណ្ឌរបស់កីឡាបាល់ទះលើឆាកអន្តរជាតិទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Indra (ស្ដាំង)

លោក Indra បានឆ្លើយតបសំនួរថា «លោកយល់យ៉ាងណាដែរចំពោះការរៀបចំរបស់សហព័ន្ធបាល់ទះកម្ពុជាពិសេសភាពយុត្តិធម៌អំឡុងការប្រកួតកន្លង»? តាមរយៈការមកកាន់ក្រុមបញ្ជាការដ្ឋានអង្គរក្សរយៈពេល ៣រដូវកាលមកនេះគឺលោកមើលឃើញថាសហព័ន្ធកីឡាបាល់ទះកម្ពុជារៀបចំការប្រកួតបានល្អឡើងៗពីមួយឆ្នាំទៅមួយឆ្នាំ។ ការតុបតែងនៅបរិវេណប្រកួតមានភាពស្រស់ស្អាតពិសេសនោះគឺការដាក់ឲ្យមានជាផ្ទាំង LED ដូចបានឃើញនេះស្អាត។

ចំពោះអាជ្ញាកណ្ដាលផ្សេងៗនោះគឺមិនមានអ្វីជាបញ្ហានោះឡើយ។ មួយវិញទៀតសហព័ន្ធកីឡាបាល់ទះកម្ពុជាធ្វើបានល្អគោរពស្របតាមលក្ខខណ្ឌសហព័ន្ធបាល់ទះពិភពលោក និងគោរពតាមសហព័ន្ធបាល់ទះនៅអាស៊ាននេះតែម្ដង។

ទិដ្ឋភាពបើកការប្រកួត

បញ្ជាក់ដែរថា លោក Indra ជាគ្រូបង្វឹកជនជាតិឥណ្ឌូណេស៊ី និងបានមកជួយក្រុមបាល់ទះបញ្ជាការដ្ឋានអង្គរក្សនេះបានជាច្រើនរដូវកាល និងច្រើនការប្រកួតមកហើយនៅប្រទេសកម្ពុជា។ ជាមួយគ្នានេះដែរសហព័ន្ធកីឡាបាល់ទះកម្ពុជាត្រូវបានគេមើលឃើញថារៀបចំការដំណើរការប្រកួតផ្សេងៗមានភាពល្អប្រសើរ និងទទួលបានការគាំទ្រច្រើនពីមហាជន៕