ព័ត៌មានអន្ដរជាតិ
នយោបាយអឺរ៉ុបហាក់បែកបាក់ ពេលអាល្លឺម៉ង់ ច្រានចោលទណ្ឌកម្មប្រឆាំងអ៊ីស្រាអែល
ខណៈពេលដែលប្រទេសមានឥទ្ធិពលមួយចំនួន ដូចជាបារាំង បានងាកទៅដាក់ទណ្ឌកម្មប្រឆាំងបុគ្គល និង អង្គភាពនៅប្រទេសអ៊ីស្រាអែល ប្រទេសអាល្លឺម៉ង់ បានបដិសេធការរួមដៃនេះ ទោះបីជាអំពើហិង្សារបស់ពួកគេប្រឆាំងនឹងប្រជាជនប៉ាឡេស្ទីនក្នុងតំបន់ West Bank កើនឡើងកាន់តែខ្លាំងក៏ដោយ។
រដ្ឋមន្ត្រីការបរទេសអាល្លឺម៉ង់ លោក Johann Wadephul ប្រាប់អ្នកយកព័ត៌មាននៅទីក្រុងប៊ែរឡាំងថា ការប្រឆាំងរបស់អាល្លឺម៉ង់ ចំពោះការតាំងទីលំនៅខុសច្បាប់របស់អ៊ីស្រាអែលត្រូវទទួលស្គាល់យ៉ាងច្បាស់លាស់ ហើយក៏ត្រូវបានបញ្ជូនម្តងហើយម្តងទៀតទៅកាន់រដ្ឋាភិបាលអ៊ីស្រាអែលដែរ ប៉ុន្តែទីក្រុងប៊ែរឡាំងគ្មានគម្រោងគាំទ្រឱ្យមានទណ្ឌកម្មបន្ថែមទៀតនោះទេ។ នេះបើយោងតាមទីភ្នាក់ងារសារព័ត៌មានតួកគី Anadolu ។
លោក Wadephul លើកឡើងថា៖ « យើងបានប្រាប់រដ្ឋាភិបាលអ៊ីស្រាអែលយ៉ាងច្បាស់! យើងជឿថា គោលនយោបាយតាំងទីលំនៅខុសច្បាប់នេះមិនគួរបន្តទេ [… ] យើងបន្តចាប់អារម្មណ៍ ចំពោះរឿងនេះ ហើយបច្ចុប្បន្ន រដ្ឋាភិបាលអាល្លឺម៉ង់មានទស្សនៈថា សំឡេងរបស់យើងកំពុងត្រូវបានឮនៅក្នុងប្រទេសអ៊ីស្រាអែល ហើយវិធានការផ្សេងទៀតមិនត្រូវបានធានា ពេលនេះទេ»។
ពេលសួរថា តើសហភាពអឺរ៉ុបនឹងពិភាក្សាអំពីវិធានការថ្មីៗ នៅសប្តាហ៍ក្រោយដែរឬទេ បន្ទាប់ពីចក្រភពអង់គ្លេស អូស្ត្រាលី កាណាដា បារាំង នូវែលសេឡង់ និងន័រវែស ប្រកាសពីទណ្ឌកម្មផ្តោតលើបណ្តាញដែលពាក់ព័ន្ធនឹងការផ្តល់ហិរញ្ញប្បទាន ការអនុញ្ញាត និងការអនុវត្តអំពើហិង្សារបស់អ្នកតាំងលំនៅ(អ្នកកាន់កាប់) ប្រឆាំងនឹងប្រជាជនប៉ាឡេស្ទីន? លោក Wadephul ឆ្លើយតបថា៖ «មានភាពអវិជ្ជមាន» ។
លោកមានប្រសាសន៍ថា៖ « យើងពិតជាបានដាក់ទណ្ឌកម្មលើអង្គការតាំងលំនៅកាលពីអតីតកាលមែន! នេះមិនមែនជារឿងថ្មីទេ។ យើងពិភាក្សាអំពីវិធានការបែបនេះនៅកម្រិតអឺរ៉ុប។ ខ្ញុំមិនប្រាកដថារឿងនេះនឹងស្ថិតក្នុងរបៀបវារៈនៅសប្តាហ៍ក្រោយឬអត់ទេ ប៉ុន្តែប្រសិនបើវាស្ថិតនៅក្នុងរបៀបវារៈ យើងនឹងពិភាក្សាវារួមគ្នាជាមួយដៃគូអឺរ៉ុបរបស់យើង ដោយមិនបង្ហាញពីការផ្លាស់ប្តូរគោលនយោបាយនោះទេ»។
គួរបញ្ជាក់ថា អាល្លឺម៉ង់ដែលជាអ្នកគាំទ្រយ៉ាងមុតមាំរបស់អ៊ីស្រាអែល រហូតមកដល់ពេលនេះ បានទប់ទល់នឹងទណ្ឌកម្មដ៏តឹងរ៉ឹងលើអ្នកនយោបាយអ៊ីស្រាអែល គាំទ្រការពង្រីកការតាំងលំនៅខុសច្បាប់ និងផែនការបញ្ចូលតំបន់ West Bank ។
ទីក្រុងប៊ែរឡាំងក៏បានរារាំងកិច្ចខិតខំប្រឹងប្រែង ដើម្បីផ្អាកកិច្ចព្រមព្រៀងពាណិជ្ជកម្ម សហភាពអឺរ៉ុប-អ៊ីស្រាអែល ជាជំហានមួយមានបំណងបង្កើនសម្ពាធលើរដ្ឋាភិបាលអ៊ីស្រាអែល៕
សម្រួល៖ ណឺ មិនា
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១ សប្តាហ៍ agoផ្លូវពីព្រលានថ្មីមកក្រុងសៀមរាប ស្ថិតក្នុងដំណាក់កាលសិក្សាបឋម មុនឈានបើកការដ្ឋានសាងសង់