ជីវិតថ្លៃ! ទារកត្រូវបានកប់ទាំងរស់តែមិនស្លាប់ (មានវីដេអូ)

ទារកទើបនឹងកើតម្នាក់ត្រូវបានគេជួយសង្គ្រោះបន្ទាប់ពីអ្នកស្រុកប្រទះឃើញ កប់ទាំងរស់នៅកសិដ្ឋានមួយកន្លែងក្នុងប្រទេសឥណ្ឌា។

វីដេអូមិនគួរឲ្យជឿបានបង្ហាញ ទារកត្រូវបានទាញចេញពីក្នុងដីបន្ទាប់ពីត្រូវបានប្រទះឃើញដោយកម្មករម្នាក់ដែលកំពុងធ្វើការនៅចម្ការក្នុងតំបន់ Khatima នៃរដ្ឋ Uttarakhand ជិតព្រំដែនប្រទេស នេប៉ាល់កាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រុកត្រូវបានគេមើលឃើញថាកំពុងធ្វើការយ៉ាងសស្រាក់សស្រាំដើម្បីទាញទារកចេញនិងសម្អាតធូលីដែលគ្របដណ្តប់លើទារក។

ទារកមិនមានចលនាទេនៅពេលស្ត្រីជូតមុខហើយរុំដោយកន្សែង។

ទារកត្រូវបានគេបញ្ជូនទៅកាន់មន្ទីរពេទ្យដើម្បីទទួលការព្យាបាលហើយពេលនេះកំពុងស្ថិតក្នុងស្ថានភាពធ្ងន់ធ្ងរតែមិនគ្រោះថ្នាក់ដល់ជីវិត។

គេមិនទាន់ដឹងច្បាស់ទេថាតើទារកនេះត្រូវគេបោះចោលនៅពេលណា។

នេះមិនមែនជាលើកទី១ទេដែលទារកទើបនឹងកើតត្រូវបានគេប្រទះឃើញថាកប់ទាំងរស់នៅក្នុងប្រទេសឥណ្ឌា។

ហេតុការណ៍ស្រដៀងគ្នានេះបានកើតឡើងក្នុងខែធ្នូឆ្នាំមុននៅពេលដែលទារកមិនគ្រប់ខែម្នាក់ត្រូវបានគេប្រទះឃើញកប់នៅក្នុងឆ្នាំងដីនៅរដ្ឋ Uttar Pradesh៕

សូមទស្សនាវីដេអូខាងក្រោម៖

ប្រែសម្រួលដោយ៖ Vann Vann

ប្រភព៖ Daily Mail