សេដ្ឋកិច្ច
អ្នកដំណើរជាង ២,៨ លាននាក់ចេញ-ចូលតាមផ្លូវអាកាស ធ្លាក់ចុះ ៦% ត្រឹមរយៈពេល ៥ ខែ
អ្នកដំណើរជាង ២,៨ លាននាក់ ចេញ-ចូលតាមផ្លូវអាកាសកម្ពុជានៅក្នុងរយៈពេល ៥ ខែ ២០២៦ ធ្លាក់ចុះ៦% ធៀបនឹងរយៈពេលដូចគ្នា កាលពីឆ្នាំមុន ខណៈចំនួនជើងហោះហើរ និងការដឹកជញ្ជូនទំនិញ កើនឡើង។ នេះបើយោងតាមរបាយការណ៍របស់អាកាសចរណ៍ស៊ីវិល។
របាយការណ៍របស់អាកាសចរណ៍ស៊ីវិលបង្ហាញថា គិតចាប់ពីខែមករា ដល់ខែឧសភា ២០២៦ ជើងហោះហើរចេញ-ចូល តាមផ្លូវអាកាសរបស់កម្ពុជាមានចំនួន ២៧ ៨៤៣ ជើង កើនឡើង១%, អ្នកដំណើរចេញ-ចូលចំនួន ២ ៨៧៤ ០៨៤ នាក់ ថយចុះ ៦% និងទំនិញចេញ-ចូលចំនួន ៣៨ ៩៥១ តោន កើន ៣៤%។
លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល មានប្រសាសន៍ថា វិស័យអាកាសចរណ៍ កំពុងដើរតួនាទីសំខាន់លើការដឹកជញ្ជូនអ្នកដំណើរ និងទំនិញតាមផ្លូវអាកាស ក្នុងការចូលរួមចំណែកដល់វិស័យទេសចរណ៍ ពាណិជ្ជកម្ម វិនិយោគ និងការតភ្ជាប់ធ្វើដំណើររបស់ប្រជាជន។
លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានបញ្ជាក់ថា វិស័យអាកាសចរណ៍ស៊ីវិលកម្ពុជា កំពុងឈានចូលពាក់កណ្ដាលឆ្នាំ ២០២៦ ក្នុងស្ថានភាពរបត់ជាយុទ្ធសាស្ត្រដ៏សំខាន់។
លោកបន្ថែមថា ការចាប់ផ្ដើមនៃយុគសម័យអាកាសយានដ្ឋានអន្តរជាតិតេជោ (KTI/TIA) រួមផ្សំនឹងកំណើនទំនិញដ៏ខ្លាំងក្លាលើសស្តង់ដារអាស៊ាន និងរចនាសម្ព័ន្ធតភ្ជាប់មជ្ឈមណ្ឌលទាំង១០ ចំណុច គឺជាសមិទ្ធផលដ៏លេចធ្លោ។
ទោះជាយ៉ាងណា និន្នាការថយចុះនៃអ្នកដំណើរ, ហានិភ័យនៃការពឹងផ្អែកលើមជ្ឈមណ្ឌលមជ្ឈិមបូព៌ា និងការរៀបចំឡើងវិញនៃបណ្តាញជើងហោះហើរ តាមរយៈការរួមបញ្ចូលគ្នារវាង Korean Air និង Air-Asiana តម្រូវឱ្យមានការចូលរួមដោះស្រាយផ្នែកបទប្បញ្ញត្តិ និងគោលនយោបាយជាបន្ទាន់ និងប្រកបដោយនិរន្តរភាព។
យោងតាមអាកាសចរស៊ីវិល នៅក្នុងឆ្នាំ ២០២៥ កម្ពុជាទទួលបានជើងហោះហើរចេញ-ចូល (ទ្វេទិស) ចំនួន ៦៤ ៨២១ ជើង កើនឡើង ១១%, អ្នកដំណើរចេញ-ចូល (ទ្វេទិស) ចំនួនជិត ៧ លាននាក់ (៦៩៨៨២៥៩) កើនឡើង ១២% និងទំនិញតាមផ្លូវអាកាសមានចំនួន ៩៣ ៨៨៩ តោន កើន ២១% ប្រៀបធៀបនឹងឆ្នាំ ២០២៤៕
អត្ថបទ៖ ឡេង ដេត
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៧ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន