កីឡា

មុនល្បីឈ្មោះដូចពេលនេះ វឿន វាសនា ចូលអាជីពបាល់ទះដំបូងដោយសារលោក ស សុខា ជាអ្នកជ្រើសរើសផ្ទាល់ភ្នែក

បានផុស

១៧ វិនាទី មុន

នៅ

ថ្ងៃចន្ទ ២៩ មិថុនា ២០២៦

ដោយ

កីឡាករឆ្នើមរបស់កម្ពុជា វឿន វាសនា មុនមានសមត្ថភាពខ្លាំង និងល្បីឈ្មោះដូចពេលនេះឱកាសចូលអាជីពបាល់ទះដំបូងបានការជ្រើសរើសដោយផ្ទាល់ភ្នែកលោក ស សុខា តែម្ដងអំឡុងឆ្នាំ២០១៨ នៅឯការប្រកួតមួយក្នុងងខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស សុខា ប្រធាសហព័ន្ធកីឡាបាល់ទះ

លោក សាន សុក្រិត បានរំលឹកទៅអតីតកាលថា លោក សុខា ជាអ្នកជ្រើសរើសយកកីឡាករ វឿន វាសនា ឲ្យមកចូលជំរុំហ្វឹកហាត់នៅរាជធានីភ្នំពេញអំឡុងឆ្នាំ២០១៨ ។ ដោយអំឡុងកាលនោះគឺមានការប្រកួតបាល់ទះមិត្តភាពមួយនៅផ្សារភូពុយ ឯខត្តបាត់ដំបង ខណៈដែលលោក ស សុខា បានចូលរួម និងមើលឃើញ វឿន វាសនា មានកាយសម្បទាល្អអំណោយផលខាងកីឡាមួយនេះក៏ឲ្យទំនាក់ទៅក្រុមគ្រួសារតែម្ដង។

កីឡាករ វឿន វាសនា និងមិត្តរួមក្រុមពីមុន

អតីតគ្រូបង្វឹករបស់វិសាខាខាងលើបន្ថែមទៀតថា បន្ទាប់ពីទទួលបញ្ជាពីថ្នាក់លើរួចមកលោកក៏បានទាក់ទៅក្រុមគ្រួសារ និងប្រាប់ពីគោលបំណងនាំយក វឿន វាសនា មកហ្វឹកហាត់ជាមួយយុវជនរបស់ក្លឹបអំឡុងឆ្នាំ២០១៨ នោះរហូតមក។ យ៉ាងណា វឿន វាសនា ជាយុវជនដែលព្យាយាមហ្វឹកហាត់ អំណត់ តស៊ូ និងមានទេពកោល្យជាមួយកីឡាបាល់ទះនេះតាំងតែពីដើមមកម្ល៉េះ។

កីឡាករ វឿន វាសនា

បញ្ជាក់ដែរថា វឿន វាសនា ជាកីឡាករជម្រើសជាតិបាល់ទះកម្ពុជាដ៏ល្បីឈ្មោះមួយរូប។ រូបគេមានសមត្ថភាពកាន់តែខ្លាំងបន្ទាប់ពីលេងឲ្យក្រុមតៃវ៉ាន់ Win Streak រយៈពេល ២រដូវកាល និងកំពុងបន្តកុងត្រានៅឆ្នាំទី៣ រដូវកាលថ្មីនេះបន្តទៀតផងដែរ។ វាសនា មិនត្រឹមតែជាកីឡាករល្បីឈ្មោះនៅកម្ពុជាមានគេស្គាល់ច្រើននោះទេ ពោលនៅឯតៃវ៉ាន់ក៏ល្បី និងមានគេគាំទ្រច្រើនផងដែរ។ កីឡាកររូបគេមានតួនាទីជាស្មាត់ស្ដាំ និងមានសមត្ថភាពខ្លាំងទាំងការម៉ាត់ផ្ដាច់ ធ្វើរនាំង និងការវាយសេវា៕